نۇر-سۇلتان قالاسىنىڭ وقۋشىلارى قاي پاندەردى وففلاين وقيتىنى بەلگىلى بولدى. بۇل تۋرالى قالالىق ءبىلىم باسقارماسىنىڭ باسشىسى شولپان قادىروۆا حابارلادى.
– 11 قاڭتاردان باستاپ وقۋ جىلىنىڭ ءۇشىنشى توقسانى باستالادى. 1-5-سىنىپ وقۋشىلارى كەزەكشى سىنىپتار رەجيمىندە وقۋلارىن جالعاستىرادى. Cونىمەن قاتار، III توقساندا ءبىتىرۋشى 9 جانە 11 (12)-سىنىپ وقۋشىلارى ارالاس فورماتتا 15 ادامنان اسپايتىن كەزەكشى سىنىپتار رەجيمىندە وقۋدى باستايدى دەپ جوسپارلانۋدا. ناقتى شەشىم قالامىزداعى ەپدەميالوگيالىق جاعدايعا بايلانىستى بولادى.
وففلاين وتەتىن ساباق كەستەسىنە ورىس ءتىلى مەن ادەبيەتى، قازاق ءتىلى مەن ادەبيەتى، شەت ءتىلى، الگەبرا، گەومەتريا، فيزيكا، حيميا، بيولوگيا، گەوگرافيا، قازاقستان تاريحى، دۇنيەجۇزى تاريحى پاندەرى كىرەدى. بۇل وقىتۋ پاندەرىنىڭ 70%-ىن قۇرايدى. پاندەردىڭ 30%-ى: ينفورماتيكا، ءوزىن-وزى تانۋ، دەنە شىنىقتىرۋ، قۇقىق نەگىزى، العاشقى اسكەري تەحنولوگيالىق دايىندىق پاندەرى قاشىقتان وقىتىلادى. ءۆارياتيۆتى كومپونەنتتىڭ پاندەرى كەستەگە سايكەس اسينحروندى تۇردە جۇرگىزىلەدى، – دەدى ول.
مەكتەپتەردە يكەمدى ساباق كەستەلەرى جاسالىپ، ساباقتار اراسىنداعى ۇزىلىستەر ءار سىنىپ ءۇشىن ءار ءتۇرلى ۋاقىتتا ۇيىمداستىرىلادى. ساباق ۋاقىتى 30 مينۋتتان اسپايدى. ال ءۇزىلىس ۋاقىتى – 5 مينۋت.
"ساباق كەستەسىن قۇرۋ كەزىندە جوعارى سىنىپ وقۋشىلارىنىڭ جاس ەرەكشەلىكتەرى، ولاردىڭ قابىلەتتەرى مەن قاجەتتىلىكتەرى، سونداي-اق 11-سىنىپ وقۋشىلارىنىڭ جاڭارتىلعان ءبىلىم بەرۋ مازمۇنىنا كوشۋى جانە كىرىكتىرىلگەن ساباقتاردى وتكىزۋ مۇمكىندىگى ەسكەرىلەدى.
سونداي-اق ساباقتان تىس ۋاقىتتا وقۋشىلاردىڭ وقۋداعى ولقىلىقتارىنىڭ ورنىن تولتىرۋ جانە قورىتىندى اتتەستاتتاۋعا دايىندىق ءۇشىن 5 ادامنان اسپايتىن توپتاردا جەكە كونسۋلتاسيالار ۇيىمداستىرىلادى. بۇل كونسۋلتاسيالارعا وقۋشىلار قاجەتتىلىگەنە قاراي اتا-انالاردىڭ كەلىسىمىمەن قاتىسۋىنا بولادى" دەلىنگەن قالالىق ءبىلىم باسقارماسىنىڭ باسپا ءسوز قىزمەتىنىڭ حابارلاماسىندا.
پىكىر قالدىرۋ