«Nur Otan»-نىڭ رەسپۋبليكالىق سايلاۋالدى شتابى اقتوبە وبلىسىنا كەلدى. بيلەۋشى پارتيا وكىلدەرى كۇنى بويى قالا جانە اۋىل تۇرعىندارىمەن، ونەركاسىپتىك كاسىپورىندار ۇجىمدارىمەن، ءبىلىم جانە دەنساۋلىق ساقتاۋ سالاسىنىڭ وكىلدەرىمەن كوپتەگەن كەزدەسۋلەر وتكىزدى.

اقتوبە قالاسىنىڭ دارىگەرلەرىمەن كەزدەسۋدە دەنساۋلىق ساقتاۋ جۇيەسىن دامىتۋدىڭ نەگىزگى باسىمدىقتارى تالقىلادى.

«Nur Otan» پارتياسىنىڭ نەگىزگى باسىمدىقتارىنىڭ ءبىرى – ازاماتتاردىڭ دەنساۋلىعى. بۇل سالانى قارجىلاندىرۋ كولەمى ەلدىڭ ءجىو-نىڭ 5%-نە دەيىن جەتكىزىلەتىن بولادى. مەملەكەت باسشىسى قاسىم-جومارت توقايەۆ پارتيانىڭ سايلاۋالدى سەزىندە اتاپ وتكەندەي، دارىگەرلەردىڭ جالاقىسىن 2،5 ەسە ءوسىرۋ جوسپارلانۋدا. سونداي-اق، ءبىر سالاعا تەرەڭ بەيىمدەلگەن قاجەتتى مامانداردى دايارلاۋعا بولىنەتىن گرانتتار سانى ۇلعايتىلادى»، – دەدى رەسپۋبليكالىق سايلاۋالدى شتاب جەتەكشىسى باۋىرجان بايبەك.

ونىڭ ايتۋىنشا، «Nur Otan»-نىڭ سايلاۋالدى باعدارلامامسى اياسىندا اۋداندىق اۋرۋحانالار مەن پەرزەنتحانالار زاماناۋي توموگرافتارمەن، رەنتگەن اپپاراتتارىمەن جانە باسقا دا قاجەتتى جابدىقتارمەن جاراقتاندىرىلادى. تىرەك جانە سەرىكتەس اۋىلداردا فەلدشەرلىك-اكۋشەرلىك پۋنكتتەر مەن دارىگەرلىك امبۋلاتوريالار اشىلىپ، جاڭعىرتىلادى.

ناقتى اقتوبە وبلىسىندا پارتيا كونسۋلتاتيۆتى-دياگنوستيكالىق ءبولىمى بار پەريناتالدى ورتالىقتىڭ، تۋبەركۋلەز ديسپانسەرىنىڭ، قارعالى قالالىق اۋرۋحاناسى مەن قالالىق بالالار كلينيكالىق اۋرۋحاناسىنا ىرگەلەس جاپسارجايلار قۇرىلىسىن اياقتاۋعا جانە ت.ب. ىقپال ەتەدى.

وسى كۇنى «Nur Otan»-نىڭ وكىلدەرى العا اۋدانى مارجانبۇلاق اۋىلىنىڭ تۇرعىندارىمەن كەزدەستى. مۇندا پارتيانىڭ سايلاۋالدى باعدارلاماسىنىڭ اياسىندا مەكتەپ سالۋ، كوشەلەردى جارىقتاندىرىپ، سۋمەن قامتۋ جۇيەسىن كەڭەيتۋ جوسپارلانۋدا.

«بۇگىندە ەل ازاماتتارىنىڭ 40%-تەن استامى اۋىلدا تۇرادى. ءبىز اۋىل تۇرعىندارىنىڭ ءومىر ساپاسىن جاقسارتۋ ءۇشىن بار جاعدايدى جاسايمىز. ماسەلەن، 5 جىل ىشىندە ەلىمىز بويىنشا 3،5 مىڭ اۋىلدى جاڭعىرتۋ، ءاربىر تىرەك اۋىلعا دەيىن 27 مىڭ كم جەرگىلىكتى جولداردى جوندەۋ جوسپارلانۋدا. اۋىلدىق جەردەگى تۇرعىنداردىڭ ءبارى سۋمەن جانە 99% جىلدامدىعى جوعارى ينتەرنەتپەن قامتىلادى. جالپى سانى 900 مىڭنان استام ادامدى قامتيتىن 246 اۋىل گازعا قول جەتكىزەدى»، – دەدى بيلەۋشى پارتيادا.

«Nur Otan» باسپا ءسوز قىزمەتىنىڭ حابارلاۋىنشا، اۋىلدىق مادەنيەت ۇيىندە وتكەن كەزدەسۋ ءداستۇرلى ءانشى، جىرشى-تەرمەشى ايگۇل ەلشىبايەۆا مەن ايتىسكەر جۇلدىز قوجابەكوۆانىڭ قاتىسۋىمەن شاعىن كونسەرتكە ۇلاستى.

«ءبىزدىڭ اۋىل سايلاۋدا 100% «Nur Otan» پارتياسىنا داۋىس بەرەتىنىنە كەپىلدىك بەرەمىن»، - دەدى كەزدەسۋ قورىتىندىسى بويىنشا ارداگەرلەر كەڭەسىنىڭ ءتوراعاسى جانات تەلاعىس.

ساپار بارىسىندا نۇروتاندىقتار تەمىربەتون ونىمدەرىن شىعاراتىن اقتوبەدەگى «سترويدەتال» زاۋىتىنا بارىپ، ءوڭىردى دامىتۋدىڭ وزەكتى ماسەلەلەرىن تالقىلادى.

سونىمەن، پارتيا 5 جىل ىشىندە كەمىندە 100 مىڭ جۇمىس ورنىن اشۋدى جوسپارلاپ وتىر. وڭىردە 60 مەكتەپ، 43 دەنساۋلىق ساقتاۋ نىسانى سالىنىپ، جوندەلەدى، 125 بالاباقشا اشىلادى جانە ت.ب. وڭ ىستەر اتقارىلادى.

ەكولوگيانى جاقسارتۋ ماقساتىندا قاتتى تۇرمىستىق قالدىقتارعا ارنالعان 9 پوليگون سالۋ جانە ونەركاسىپتىك كاسىپورىنداردى جاڭعىرتۋ ارقىلى زياندى شىعارىندىلاردى كەمىندە 5%-كە تومەندەتۋ قامتاماسىز ەتىلەدى.

«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى