ءبىرىڭعاي جيناقتاۋشى زەينەتاقى قورى جىل باسىنان بەرى قور سالىمشىلارىنىڭ زەينەتاقى جيناقتارى 18%-عا ارتقانىن مالىمدەدى.

قوردىڭ باسپا ءسوز قىزمەتىنىڭ اقپاراتىنشا، 2020 جىلعى 1 جەلتوقسانداعى جاعداي بويىنشا بجزق سالىمشىلارىنىڭ شوتتارىندا 12،7 تريلليون تەڭگە سوماعا زەينەتاقى جيناقتارى سالىنعان. 2020 جىلدىڭ باسىنان باستاپ، ياعني 18%-عا ۇلعايعان.

زەينەتاقى جيناقتارىنىڭ نەگىزگى سوماسى:

• مىندەتتى زەينەتاقى جارنالارى (مزج) - 12،4 ترلن تەڭگە (2020 جىلدىڭ باسىنان بەرى ءوسىم 18% قۇرادى)؛
• مىندەتتى كاسىپتىك زەينەتاقى جارنالارى (مكزج) – 309،6 ملرد تەڭگە (ءوسىم 26% قۇرادى)؛
• ەرىكتى زەينەتاقى جارنالارى – ەزج - 2،2 ملرد تەڭگە (ءوسىم 11%).

2020 جىلدىڭ 1 قاڭتارىنان باستاپ 1 جەلتوقسانعا دەيىنگى كەزەڭ ىشىندە بجزق سالىمشىلارىنىڭ شوتتارىنا 1،13 ترلن تەڭگە تازا ينۆەستيسيالىق تابىس ەسەپتەلدى. بۇل 2019 جىلدىڭ سايكەس كەزەڭىمەن سالىستىرعاندا 531 ملرد تەڭگەگە (ءوسىم 88%) ارتىق.

2020 جىلعى 1 جەلتوقسانداعى جاعداي بويىنشا جەكە زەينەتاقى شوتتارىنىڭ سانى 11،6 ملن بىرلىكتى قۇرادى (جىل باسىنان بەرى ءوسىم 10% قۇرادى).

ونىڭ ىشىندە:

• مىندەتتى زەينەتاقى جارنالارى (مزج) بويىنشا – 10 984 130 (ءوسىم 11%)؛
• مىندەتتى كاسىپتىك زەينەتاقى جارنالارى (مكزج) بويىنشا – 526 111 (ءوسىم 3%)؛
• ەرىكتى زەينەتاقى جارنالارى (ەزج) بويىنشا – 57 211 (ءوسىم 5%).