بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى كوروناۆيرۋسقا قارسى ۆاكسينانىڭ زەرتتەۋىنە قاتىساتىن ەرىكتىلەردى ىزدەۋدە. سىناققا جارامدى ەرىكتىلەرگە 200 مىڭ تەڭگە بەرۋ كوزدەلگەن. سالىق ۇستالىمدارىنان كەيىن قولعا 160 مىڭ 170 مىڭ تەڭگە تيەدى.

زەرتتەۋ الماتىداعى №4 كلينيكالىق اۋرۋحانادا جۇرگىزىلەدى. اقپاراتتى كلينيكا قىزمەتكەرلەرى راستادى.

ۆاكسينانى سىناقتان وتكىزۋگە قاتىساتىن ازاماتتارعا تومەندەگىدەي تالاپ قويىلادى.

- COVID-19 دياگنوزى بولماۋى كەرەك؛

- ەرىكتىلەر سوڭعى 14 كۇن ىشىندە كوروناۆيرۋس زەرتحانالىق تۇرعىدا راستالعان نەمەسە ينفەكسياعا كۇدىك بار ادامدارمەن تىعىز بايلانىستا بولماۋى كەرەك؛

- سوزىلمالى ينفەكسيالار جانە اللەرگيالىق رەاكسيالارى جوق بولۋعا ءتيىس؛

- ماسكۇنەمدىك جانە ناشاقورلىق، پسيحيكالىق بۇزىلۋلار، اۋىر ەندوكريندىك جانە بۇيرەك اۋرۋلارى بار ادامدار سىناقتارعا جول بەرمەيدى؛

- ەرىكتىلەر سوزىلمالى جۇرەك جانە قان اينالىمى اۋرۋلارى بار ديسپانسەرلىك ەسەپتە تۇرماۋى كەرەك؛

- جۇكتى جانە بالا ەمىزەتىن ايەلدەر زەرتتەۋگە قاتىسا المايدى؛

- ۆاكسيناسيادان بۇرىن ەرىكتى تۇردە كەلىسىلگەن كەلىسىمگە قول قويىپ، كۇندەلىكتى ءوزىن-وزى باقىلاۋ كۇندەلىگىن جۇرگىزىپ، التى اي ىشىندە دارىگەرگە ۋاقىتىندا بارۋى كەرەك.

زەرتتەۋدىڭ ءار قاتىسۋشىسىنا ساقتاندىرۋ بەرىلەدى.

سىناق وتەتىن كلينيكا مەكەنجايى:

الماتى قالاسى، تورايعىروۆ، 49/1
mipoclinic.kz
https://go.2gis.com/1zhtkk

Whatsapp چات
https://chat.whatsapp.com/KedB9vWgVnI62yLgGQ9GZG

ەرىكتىلەر اشقارىنعا كەلۋى كەرەك. وزىمەن بىرگە جەكە كۋاگىلىننىڭ بولۋى مىندەتتى.