قازاقستاننىڭ دەنساۋلىق ساقتاۋ ءبىرىنشى ۆيسە-مينيسترى مارات شورانوۆ وقۋشىلار اراسىنداعى كوروناۆيرۋستى مالىمدەدى.

– وقۋشىلار اراسىندا اۋرۋشاڭدىق وسۋدە. وقۋ جىلىنىڭ باسىنان بەرى وقۋشىلار اراسىندا كۆي-دىڭ 3658 جاعدايى تىركەلدى. اۋىرعان وقۋشىلاردىڭ ەڭ كوپ سانى شىعىس قازاقستان، پاۆلودار، نۇر-سۇلتان قالاسىندا تىركەلگەن. ونىڭ ىشىندە كەزەكشى سىنىپتاردا وقيتىن بالالار اراسىندا 994 جاعداي انىقتالدى. بۇل – وففلاين رەجيمدە وقيتىنداردىڭ جالپى سانىنىڭ 0،1%-ى، قاشىقتان وقيتىن بالالار اراسىندا 2 664 جاعداي تىركەلدى، – دەيدى ول.

سونداي-اق ۆمسە-مينيستر كوروناۆيرۋستىڭ "قىزىل"، "جاسىل" جانە "سارى" ايماعىنا كىرگەن وبلىستارعا ەرەكشە كارانتيندىك تالاپتاردىڭ قويىلاتىنىن اتاپ ءوتتى.

– ءوزىمىز قۇرعان ماتريساعا بايلانىستى "قىزىل"، "جاسىل" جانە "سارى" ايماققا كىرگەن وبلىستارعا ەرەكشە كارانتيندىك تالاپتار قويىپ وتىرمىز. "سارى" ايماققا كىرگەن وبلىستاردلا 30-50 ادامعا دەيىن مەيرامحانالارعا جينالۋعا رۇقسات ەتىلگەن. ءبىراق "قىزىل" ايماققا كىرگەن وبلىستاردا جانە قالالاردا حالىق سانى 30-عا دەيىن عانا شەكتەلگەن. ۇلكەن ۇجىمدىق ءىس-شارالارعا تىيىم سالىنادى، – دەپ ايتتى دەنساۋلىق ساقتاۋ ءبىرىنشى ۆيسە-مينيسترى.