«Nur Otan»-نىڭ سايلاۋالدى شتابى شىعىس قازاقستان وبلىسىنا كەلدى. ونەركاسىپ جۇمىسشىلارىمەن، دارىگەرلەرمەن، مۇعالىمدەرمەن، قالا جانە ءوڭىر تۇرعىندارىمەن 20 شاقتى كەزدەسۋ وتكىزدى.
وسكەمەن تيتان-ماگنيي كومبيناتىنىڭ ۇجىمىمەن كەزدەسۋدە سايلاۋالدى باعدارلامانىڭ نەگىزگى باسىمدىقتارى تالقىلاندى.
بيلەۋشى پارتيا تاياۋداعى 5 جىلدا وڭىردە 130 مىڭ جاڭا جۇمىس ورنىن اشۋدى، 2،5 مىڭ كيلومەتر اۆتوجولعا جوندەۋ جۇرگىزۋدى، 230-دان استام اۋىلدىڭ 100 مىڭداي تۇرعىنىن ساپالى اۋىز سۋمەن قامتاماسىز ەتۋدى، 30 مىڭ وتباسىنىڭ تۇرعىن ءۇي ماسەلەسىن شەشۋدى جوسپارلاپ وتىر. سونداي-اق، كاسىپورىنداردى جاڭعىرتۋ مەن قوقىس وڭدەۋ كەشەندەرىن سالۋ ەسەبىنەن ەكولوگيانى جاقسارتۋ جانە زياندى شىعارىندىلاردى كەمىندە 10%-كە تومەندەتۋ بويىنشا ءبىرقاتار شارالار قولعا الىنادى.
بۇدان كەيىن سايلاۋالدى شتاب مۇشەلەرى وسكەمەن قالاسىنداعى 19-ىقشام اۋداننىڭ تۇرعىندارىمەن كەزدەستى. قالالىقتاردى نەگىزىنەن اۋلالار مەن بالالار الاڭقايلارىن اباتتاندىرۋ، قوعامدىق كولىك جۇمىسى مەن كوممۋنالدىق قىزمەتتەر ساپاسى سەكىلدى ماسەلەلەر تولعاندىرادى. اتالعان ماسەلەلەردى شەشۋ ءۇشىن نۇروتاندىقتار ءبىرقاتار ناقتى مىندەتتەردى پىسىقتادى. ولار تۋرالى nurotan2021.kz سايتىنان تولىعىراق تانىسۋعا بولادى.
وسى كۇنى «Nur Otan» وكىلدەرى وبلىستاعى انا مەن بالا ورتالىعىنا باردى.
رەسپۋبليكالىق سايلاۋالدى شتاب جەتەكشىسى باۋىرجان بايبەك اتاپ وتكەندەي، وتباسىن قولداۋ مەن نىعايتۋ – ەلدىڭ تابىستى دامۋىنىڭ كەپىلى. الداعى 5 جىلدا وتباسىن قولداۋ ءۇشىن الەۋمەتتىك تولەمدەر مەن مەملەكەتتىك جاردەماقىلار بويىنشا بارلىق مىندەتتەمەنىڭ ورىندالۋى قامتاماسىز ەتىلەدى. سونداي-اق، «Nur Otan» پارتياسى ينفلياسيا دەڭگەيىن ەسكەرە وتىرىپ، الەۋمەتتىك جاردەماقىلارعا يندەكساسيالاۋ جۇرگىزىلەدى. وسى ماقساتقا 3 ترلن-نان استام تەڭگە باعىتتاۋ جوسپارلانۋدا.
كوپبالالى، تولىق ەمەس، ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردى قولداۋ ماقساتىندا الەۋمەتتىك كاسىپكەرلىكتى، وتباسىن جۇمىسپەن قامتۋدى دامىتۋ بويىنشا شارالار قابىلدانادى.
«باقىتتى وتباسى» پارتيالىق جوباسى اياسىندا ءبىز تۇرمىستىق زورلىق-زومبىلىقتى ازايتۋ بويىنشا جۇيەلى شارالاردى قولعا الامىز. ەلدەگى ءاربىر قالا مەن اۋداندا وتباسىن قولداۋ، وتباسىلىق شيەلەنىستەردى شەشۋ جانە بالالى ايەلدەرگە ۋاقىتشا تۇرعىنجاي ۇسىنۋ ورتالىقتارى قۇرىلادى. بۇل رەتتە «وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى» زاڭ قابىلدانىپ، وتباسىلىق سوتتار قۇرىلاتىن بولادى. ومىرلىك قيىن جاعدايعا تاپ بولعان وتباسىلار مەن بالالارعا اتاۋلى كومەك كورسەتۋ ءۇشىن «111 شۇعىل قىزمەت» جۇمىسى قامتاماسىز ەتىلەدى»، - دەدى ول.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ