قازنەت قولدانۋشىلارى بىر-بىرىنە قىتايدا سينحۋا اۋرۋحاناسىندا باناندا كەزدەسەتىن جاڭا ۆيرۋس 23 ادامنىڭ ولىمىنە سەبەپ بولعاندىعىن جانە ونىڭ اتى - "N7N9" ەكەنىن جازىپ، حابارلاماعا تاراتۋدا. بۇل رەسەي مەن ۋكراينادا جىل باسىندا تاراعان ەسكى فەيك، دەپ حابارلادى StopFake.

"كەشە تۇندە سينحۋا اۋرۋحاناسىندا n7n9 ۆيرۋسىن جۇقتىرعان 23 ادام قايتىس بولدى. ەڭ ۇلكەنى 35-تە، ەڭ كىشىسى ءبىر جاستا بولعان، ولارمەن بايلانىستاعى دارىگەرلەر كارانتينگە جاتقىزىلدى. باستى ارنانىڭ جاڭالىقتارىندا باناندى، اسىرەسە وڭتۇستىكتەن اكەلىنگەن باناندى ۋاقىتشا الماۋعا شاقىردى. بۇل حابارلامانى ءوزىڭىز الاڭدايتىن ادامدارعا، اسىرەسە توپتىق چاتتارعا جىبەرىڭىز. ءوز دەنساۋلىعىڭىز ءۇشىن تاراتىڭىزدار، ءوتىنىش. بانان جەۋدى ازايتىڭىز! بىردەن جىبەرىڭىز، جاۋاپ بەرۋدىڭ قاجەتى جوق، باسقا ادامدارعا دا وزدەرىنە قامقور بولۋعا كومەكتەسىڭىزدەر" دەلىنگەن حابارلامادا.

جىل باسىندا رەسەي مەن ۋكراينا قولدانۋشىلارى وسى ءماتىندى بىر-بىرىنە جىبەرگەن. الايدا، بۇل حابارلاماعا راستالمادى.

سونىمەن قاتار، N7N90 دەگەن ۆيرۋس جوق. بۇل جەردە H7N9 دەپ قۇس تۇماۋى ۆيرۋسىنىڭ شتاممى جايلى ايتىلعان بولار. ول اۋا تامشى جولدارىمەن بەرىلەدى. اۋرۋدىڭ قوزدىرعىشى جەمىستەردىڭ ىشىندە ءومىر سۇرە الاتىندىعى جانە ولار ارقىلى بەرىلەتىنى تۋرالى مالىمەتتەر جوق. قۇس تۇماۋىنىڭ وشاقتارى 2013 جىلى نيدەرلاند، يتاليا، كانادا، امەريكا قۇراما شتاتتارى، مەكسيكا جانە ۇلىبريتانيادا تىركەلدى. كوپ جاعدايدا ينفەكسيا ءۇي قۇستارىنان تابىلعان. نيدەرلاندتا ءبىر ادام قايتىس بولدى، باسقا جاعدايلاردا اۋرۋ كونيۋنكتيۆيت جانە جوعارى تىنىس جولدارىنىڭ جەڭىل بەلگىلەرى تۇرىندە وتكەن.