باقىتجان تەمىربولات مادەنيەت جانە سپورت مينيسترلىگىنىڭ جاۋاپتى حاتشىسى قىزمەتىنەن بوساتىلدى، دەپ حابارلادى اقوردا سايتى.
"مەملەكەت باسشىسىنىڭ وكىمىمەن باقىتجان بەرىكباي ۇلى تەمىربولات قازاقستان رەسپۋبليكاسى مادەنيەت جانە سپورت مينيسترلىگىنىڭ جاۋاپتى حاتشىسى قىزمەتىنەن بوساتىلدى" دەلىنگەن رەسمي سايتتىڭ حابارلاماسىندا.
باقىتجان تەمىربولات 1972 جىلعى 10 جەلتوقساندا دۇنيەگە كەلگەن.
1998 جىلى ءال-فارابي اتىنداعى قازاق ۇلتتىق ۋنيۆەرسيتەتىن ساياساتتانۋ ماماندىعى بويىنشا ءتامامداعان. وسى جىلى پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىندا عىلىمي قىزمەتكەر رەتىندە ەڭبەك جولىن باستادى.
2000 جىلى پرەزيدەنتىنىڭ اكىمشىلىگىنە جۇمىسقا شاقىرىلىپ، ىشكى ساياسات بولىمىندە، اقپاراتتىق-تالداۋ ورتالىعىندا، قاۋىپسىزدىك كەڭەسى حاتشىلىعىندا كونسۋلتانت، باس ساراپشى، سەكتور مەڭگەرۋشىسى، باس ينسپەكتور لاۋازىمدارىندا قىزمەت ەتتى.
2007-2018 جىلدارى پرەزيدەنت كەڭسەسى باستىعىنىڭ ورىنباسارى بولىپ قىزمەت اتقاردى.
2018-2019 جىلدارى پرەزيدەنتىنىڭ اكىمشىلىگى جالپى ءبولىمىنىڭ مەڭگەرۋشىسى لاۋازىمىن اتقاردى.
2019 جىلعى شىلدەدە مادەنيەت جانە سپورت مينيسترلىگىنىڭ جاۋاپتى حاتشىسى بولىپ تاعايىندالدى.
پىكىر قالدىرۋ