بۇگىن ورتالىق كوممۋنيكاسيالار قىزمەتىندە قازاقستان رەسپۋبليكاسى دەنساۋلىق ساقتاۋ ءمينيسترىنىڭ ءبىرىنشى ورىنباسارى مارات شورانوۆتىڭ بريفينگى ءوتتى، ول رەسپۋبليكاداعى ەپيدەميولوگيالىق جاعداي تۋرالى ەسەپ بەرىپ، 2020 جىلعا الدىن الا قورىتىندى جاسادى.

2020 جىلدىڭ قورىتىندىسى بويىنشا قازاقستان رەسپۋبليكاسىندا تىرىسقاق، وبا، ىشسۇزەگى، پاراتيف، ديفتەريا، سىرەسپە، پوليوميەليت، بەزگەك اۋرۋلارى تىركەلگەن جوق. جالپى، ينفەكسياعا شالدىققاندار سانى تومەندەگەن.

وتكەن جىلمەن سالىستىرعاندا 52 ينفەكسيا بويىنشا اۋرۋ دەڭگەيى ازايعانى بايقالادى، ونىڭ ىشىندە قىزىلشا اۋرۋى 3،7 ەسەگە، سالمونەللەز 2 ەسەگە، مەنينگوكوكك ينفەكسياسى 1،8 ەسەگە، سوزىلمالى ۆيرۋستىق گەپاتيتتەر 42%، تۋبەركۋلەز 22%، ءجىتى ۆيرۋستىق گەپاتيتتەر 9،3% تومەندەدى.

«جىل بويى پاندەمياعا قاراماستان، ءبىز تاماق ونىمدەرىنىڭ قاۋىپسىزدىگىنە باقىلاۋ جۇرگىزدىك. مونيتورينگ قورىتىندىسى بويىنشا ءتۇرلى تاۋاردىڭ 28 000 ۇلگىسى باقىلاۋعا الىندى، ونىڭ 15%  تەحنيكالىق رەگلامەنت تالاپتارىنا سايكەس كەلمەدى (4175 ۇلگى)»، - دەدى م.شورانوۆ.

قۇسەتىندە – 13،2%، ەتونىمدەرىندە – 12،4%، ءسۇت ونىمدەرىندە – 12%، كونديتەرلىك ونىمدەردە – 11،8%، بالىق ونىمدەرىندە – 11،1% جانە باسقا تاماق ونىمدەرىندە – 39،5% كەمشىلىك انىقتالدى.

انىقتالعان فاكتىلەر بويىنشا ءتيىستى شارالار قابىلداندى.

سونىمەن قاتار، كوروناۆيرۋس ينفەكسياسىنا قاتىستى جاعدايى بۇكىل الەمدە قولايسىز بولىپ تۇر. الەمنىڭ 218 ەلىندە 81 ملن كۆي جاعدايى تىركەلگەن، ونىڭ ىشىندە 1 ملن 700 ادام قايتىس بولدى، بۇل 2،2% قۇرايدى.

بۇگىندە قازاقستان رەسپۋبليكاسىندا 152 460 ناۋقاس COVID-19 جۇقتىرعان جانە 45 442 ادامعا كۆي- دياگنوزى قويىلدى. ساۋىققاندار سانى  87% دەيىن ءوستى، ال ماۋسىم-شىلدە ايلارىندا بۇل كورسەتكىش 60% اسپايتىن.

دەگەنمەن، ەلىمىزدە ەپيدەميولوگيالىق جاعداي تۇراقسىز بولىپ تۇر. 28 جەلتوقساندا رەسپۋبليكامىز ءقاۋىپى تومەن – جاسىل ايماقتان ورتاشا ءقاۋىپتى – سارى ايماققا اۋىستى. جوعارى ءقاۋىپتى ايماقتا نەمەسە قىزىل ايماقتا اتىراۋ وبلىسى قالدى جانە پاۆلودار، اقمولا، قوستاناي وبلىستارى وسى ايماققا اۋىستى. سارى ايماقتا نەمەسە ورتاشا ءقاۋىپتى ايماقتا - 3 ءوڭىر: سولتۇستىك قازاقستان وبلىسى، نۇر-سۇلتان، الماتى قالالارى قالدى.

«كوروناۆيرۋس ينفەكسياسى پاندەمياسى باستالعان ساتتەن باستاپ COVID-19-عا پتر ادىسىمەن تەستىلەۋ 2020 جىلعى ساۋىردەن باستالدى جانە 19 زەرتحانادا تاۋلىگىنە جالپى قۋاتى 6000 تەست جاسادى، ال ءقازىر كۆي دياگنوستيكالايتىن 132 زەرتحانا تاۋلىگىنە جالپى قۋاتى 100 مىڭ زەرتتەۋ جاسايدى جانە بيولوگيالىق ماتەريال الاتىن 48 پۋنكت بار. بۇگىنگى تاڭدا 5 ملن استام زەرتتەۋ جۇرگىزىلدى، كۇن سايىن زەرتحانالار 40 مىڭعا دەيىن تەست جاسايدى»، – دەدى م.شورانوۆ.

كوروناۆيرۋس ينفەكسياسى پاندەمياسى باستالعان ساتتەن  COVID-19-عا پتر ادىسىمەن تەستىلەۋ 2020 جىلعى ساۋىردەن باستالدى جانە 19 زەرتحانادا تاۋلىگىنە جالپى قۋاتى 6000 تەست جاسادى، ال ءقازىر كۆي دياگنوستيكالايتىن 132 زەرتحانا تاۋلىگىنە جالپى قۋاتى 100 مىڭ زەرتتەۋ جاسايدى جانە بيولوگيالىق ماتەريال الاتىن 48 پۋنكت بار.

«وسىلايشا، زەرتحانالاردىڭ رەزەرۆتىك قۋاتى 60 مىڭ زەرتتەۋگە جەتتى، بۇل حالىقتىڭ تەستىلەۋگە قولجەتىمدىلىگىن قامتاماسىز ەتۋگە مۇمكىندىك بەرەدى»، - دەدى ءبىرىنشى ۆيسە-مينيستر.

 سوڭعى 3 ايدا اۋە رەيستەرمەن 155 مىڭنان استام ادام كەلدى، ولاردىڭ 75-ىندە كوۆيد انىقتالدى. كولىك وتكەلدەرى ارقىلى 440 مىڭ ادام كەلدى، ولاردىڭ 666-ىندا كوروناۆيرۋس ينفەكسياسى انىقتالدى.

وقۋ جىلىنىڭ باسىنان 3 658 وقۋشى كۆي جۇقتىرعان، ونىڭ ىشىندە كەزەكشى سىنىپتاردا وقيتىن بالالار اراسىندا - 994، قاشىقتىقتان وقيتىن بالالار اراسىندا - 2 664 جاعداي تىركەلدى.

ەلىمىزدە كوروناۆيرۋس ينفەكسياسىمەن اۋىراتىن ناۋقاستارعا مەديسينالىق كومەك كورسەتۋ ءۇشىن 51 126 توسەك-ورىن دايىندالعان. وڭىرلەردەگى توسەك-ورىنعا كۇندەلىكتى مونيتورينگ قورىتىندىسىنا سايكەس بيىل 28 جەلتوقسانىنداعى جاعداي بويىنشا ينفەكسيالىق توسەك-ورىننىڭ 29%  عانا ناۋقاس جاتىر. رەانيماسيالىق توسەك-ورىننىڭ - 19%  پاسيەنت بار.

سونىمەن قاتار، اكىمدىكتەر وڭىرلەردە كارانتيندىك شارالاردىڭ ساقتالۋىن باقىلاۋدا، كارانتيندىك رەجيمدى بۇزۋشىلار ءالى دە بار.

17 تامىزدان باستاپ 60 375 رەيد جۇرگىزىلدى، 267 866 وبەكتى قامتىلدى، ونىڭ ىشىندە 20504 وبەكتى بۇزۋشىلىقتارمەن، 19406 اكىمشىلىك ايىپپۇل سالىندى. بۇزۋشىلىقتىڭ باسىم بولىگى تۇركىستان (3603)، الماتى (3235)، قوستاناي (1826)، شىعىسقازاقستان (1716) وبلىستارىندا، الماتى (1708) جانە نۇر-سۇلتان (1471) قالالارىندا انىقتالدى.

بىرنەشە رەەت اكىمشىلىك ايىپپۇلدارعا قاراماستان، كەيبىر وبەكتىلەر شەكتەۋ جانە كارانتين رەجيمىنىڭ تالاپتارىن ەلەمەي وتىر.

بۇگىنگى تاڭدا "قاساقانا بۇزۋشىلار" قاتارىندا 254 نىسان بار، ونىڭ ىشىندە نۇر-سۇلتاندا شەكتەۋ جانە كارانتين رەجيمىن جۇيەلى تۇردە بۇزاتىن 56 نىسان، شىمكەنتتە - 47، قوستاناي وبلىسىندا - 25 نىسان.

مۇنداي وبەكتىلەر بويىنشا سانيتاريالىق-ەپيدەميولوگيالىق قىزمەت ورگاندارى اكىمشىلىك ماتەريالداردى قىزمەتتى توقتاتا تۇرۋ تۋرالى ماسەلەنى شەشۋ ءۇشىن سوتقا بەرەدى.

ءسوز سوڭىندا مارات شورانوۆ ەل تۇرعىندارىنا ۇندەۋ جولداپ، ولاردى كارانتيندىك جانە شەكتەۋ شارالارىن ساقتاۋعا شاقىردى.

«جاڭا جىل – وتباسىلىق مەرەكە. بۇل كۇنى تۋىستارىڭىزدى، دوستارىڭىز بەن تانىستارىڭىزدى ۇيگە شاقىرماڭىزدار، بىرگە تۇراتىن جاقىن ادامدار مەن قارسى الۋعا شاقىرامىن. الداعى مەرەكە ەپيدەميولوگيالىق جاعدايدىڭ ناشارلاۋىنا جانە كوروناۆيرۋس ينفەكسياسىنىڭ ورشۋىنە اسەر ەتۋى مۇمكىن ەكەنىن ۇمىتپاڭىزدار. سوندىقتان ەپيدجاعداي ءارقايسىمىزدىڭ ارەكەتىمىزگە تىكەلەي بايلانىستى»، - دەدىم.شورانوۆ.