جامبىل وبلىسىنىڭ اكىمى بەردىبەك ساپاربايەۆتىڭ "جالعان" ۆاكسيناسىن جەلىدە تالقىلاۋدا. ايماق اكىمدىگى الەۋمەتتىك جەلى قولدانۋشىلارىنا ساپاربايەۆتىڭ ۆاكسينا سالعان سۋرەتىنە قاتىستى جاۋاپ بەردى.
"كەيبىر جەلى قولدانۋشىلارى جامبىل وبلىسى اكىمى بەردىبەك ساپاربايەۆقا كوروناۆيرۋسقا قارسى سالىنعان ەكپە ءشپريسى جابىق، ياعني قالپاعى بولعان دەپ كۇمان كەلتىرگەن ەدى.
ارنايى وسى ازاماتتار ءۇشىن باسقا دا ينە انىق كورىنەتىن ساپالى سۋرەتتەردى جاريالاپ، فوتو-كوللاج ازىرلەدىك. ارينە، مۇنى فوتوشوپپەن جاسالعان دۇنيە دەپ ايتاتىندار تابىلار. قاجەت بولسا، فوتوسۋرەتتەردىڭ ءتۇپنۇسقاسىن ۇسىنۋعا ءازىرمىز" دەلىنگەن باسپا ءسوز قىزمەتىنىڭ حابارلاماسىندا.
وبلىس اكىمىنىڭ وتاندىق ۆاكسينانى سالدىرعان سۋرەتى جەلىدە تاراعاندا ونى كورگەندەر "كوزبوياۋشلىق"، "حالىقتى الداۋ"، "ءشپريستىڭ قالپاعىن شەشۋ كەرەك" دەگەن پىكىرلەر جازعان ەدى.
پىكىر قالدىرۋ