الماتى قالاسى تۇركسىب اۋداندىق سوتى قازاقستان رەسپۋبليكاسى ساۋدا جانە ينتەگراسيا مينيستىرلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ "بەك ەير" اق-عا دەگەن ءتورتىنشى تالاپ ارىزىن قاناعاتتاندىردى، وندا 1533 ادامنىڭ مۇددەسى ۇسىنىلعان، تالاپ قويۋ سوماسى 9،3 ملن. تەڭگە.
وسىلايشا، كوميتەت قابىلداعان شارالار ناتيجەسىندە سوت تارتىبىمەن 1678 ادامنىڭ قۇقىقتارى قورعالدى. "بەك ەير" اۋەكومپانياسى تۇتىنۋشىلارعا 103،3 ملن. تەڭگە قايتارۋعا ءتيىس.
كوميتەتكە كۇن سايىن تۇتىنۋشىلاردىڭ شاعىمدارى كەلىپ تۇسۋىنە بايلانىستى بەسىنشى تالاپ سوتقا بەرىلەدى.
تققك-نىڭ "بەك ەير" اق-عا العاشقى ەكى تالابى زاڭدى كۇشىنە ەنگەنىن ەسكە سالامىز.
زاڭناما تالاپتارىنا سايكەس سوت شەشىمدەرىن ورىنداۋعا تەك سوت ورىنداۋشىلارى عانا ۋاكىلەتتىك بەرىلگەنىنە نازار اۋدارامىز.
"اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى" قازاقستان رەسپۋبليكاسىنىڭ زاڭىنا سايكەس اتقارۋشىلىق ءىس جۇرگىزۋ، مەرزىمدىك جازالار تۋرالى اتقارۋشىلىق قۇجاتتاردى قوسپاعاندا، سونداي-اق زاڭنامالىق اكتىلەردە وزگە دە ورىنداۋ مەرزىمدەرى بەلگىلەنگەن جاعدايلاردى قوسپاعاندا، ول قوزعالعان كۇننەن باستاپ ەكى ايدان اسپايتىن مەرزىمدە اياقتالۋعا ءتيىس.
سوندىقتان تۇتىنۋشىلار سوت شەشىمدەرىن ورىنداۋ بويىنشا قاجەتتى جانە ۋاقتىلى شارالار قابىلدايتىن سوت ورىنداۋشىلارىنا جۇگىنۋگە قۇقىلى.
اتقارۋ پاراعى بەرىلگەن سوت ورىنداۋشىسى تۋرالى مالىمەتتەردى الۋ ءۇشىن تۇتىنۋشىلار الماتى قالاسىنىڭ جەكە سوت ورىنداۋشىلارىنىڭ پالاتاسىنا جۇگىنۋى قاجەت.
ءۇشىنشى تالاپتى الماتى قالاسىنىڭ ازاماتتىق ىستەر جونىندەگى اپەللياسيالىق القاسى قارايدى.
پىكىر قالدىرۋ