قازاقستان پرەزيدەنتى قاسىم-جومارت توقايەۆتان مەملەكەتتىك كۇزەت قىزمەتىنىڭ باستىعى قالمۇحانبەت قاسىموۆقا ستراتەگيالىق وبەكتىلەر تىزبەسىن بەكىتۋ فۋنكسيالارى ءوتتى، دەپ حابارلادى كازتاگ سايتى.
قازاقستان رەسپۋبليكاسى ۇكىمەتىنىڭ 2011 جىلعى 7 قازانداعى № 1151 "مەملەكەتتىك كۇزەتىلۋى ءتيىس وبەكتىلەردىڭ كەيبىر ماسەلەلەرى" تۋرالى قاۋلىسىنا وزگەرىستەر مەن تولىقتىرۋلار ەنگىزىلدى.
وعان سايكەس، بەكىتىلگەن مەملەكەتتىك كۇزەتىلۋگە جاتاتىن وبەكتىلەردى ايقىنداۋ قاعيداسى بويىنشا قازاقستان رەسپۋبليكاسى مەملەكەتتىك كۇزەت قىزمەتى ىشكى ىستەر ورگاندارىنىڭ بولىمشەلەرىمەن بىرلەسىپ كۇزەتىلەتىن، قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى بەكىتەتىن تىزبەگە ەنگىزىلگەن قازاقستان رەسپۋبليكاسىنىڭ وبەكتىلەرى، سونداي-اق ماڭىزدى مەملەكەتتىك ءمانى بار وبەكتىلەر تىزبەسىن بەكىتۋ فۋنكسيالارى مەملەكەتتىك كۇزەت قىزمەتىنىڭ باستىعى قالمۇحانبەت قاسىموۆقا بەرىلدى.
پىكىر قالدىرۋ