كيوتو ۋنيۆەرسيتەتىنىڭ عالىمدارى ورمان شارۋاشىلىعىمەن اينالىساتىن كومپانيامەن بىرىگىپ، اعاشتى عارىشتا قالاي پايدالانۋعا بولاتىنىن انىقتادى. مۇنداعى ماقسات – ادەتتەگى جەرسەرىكتەر جەرشارىنىڭ جوعارى اتفوسفەراسىنا كىرىپ جانىپ كەتكەن كەزدە پايدا بولاتىن لاستانۋدى بولدىرماۋ.
حالىقارالىق عارىش ستانساسىنىڭ بۇرىنعى عارىشكەرى تاكاو دوي ۆۆس-گە بەرگەن سۇحباتىندا جاساندى سەرىكتەر ورالعان كەزدە جەر اتموسفەراسىندا جينالاتىن قوقىستارعا قاتىستى الاڭداۋشىلىق ءبىلدىردى.
"بۇل بولشەكتەر اتموسفەرادا ۇزاق جىلدار بويى ساقتالۋى مۇمكىن" دەپ قوستى ول. عالىمنىڭ ايتۋىنشا، اعاش سپۋتنيكتەر، كەرىسىنشە، تولىقتاي جانىپ كەتەدى.
زەرتتەۋشىلەر قولداناتىن اعاشتىڭ بەلگىلى ءبىر تۇرلەرىن قۇپيا ۇستاپ وتىر. سۋميتومو ورمان شارۋاشىلىعىمەن سەرىكتەستىكتىڭ ارقاسىندا ولار ءارتۇرلى تيپتەردى سىناپ كورمەك.
پىكىر قالدىرۋ