«Nur Otan» پارتياسىنان جامبىل وبلىستىق ءماسليحاتى دەپۋتاتتىعىنا كانديداتتار نازىمحان ابيتايەۆ پەن ءلايليا بەگيمبايەۆا شۋ اۋدانى جاڭا جول اۋىلىندا كوپبالالى انالارمەن جانە تۇرعىندارمەن كەزدەستى. 

– شۋ اۋدانى «Nur Otan» پارتياسىنىڭ سايلاۋالدى باعدارلاماسى ازاماتتارىمىزدىڭ ءومىر ءسۇرۋ ساپاسىن ارتتىرۋ، ءاربىر ادامنىڭ تازا سۋعا، اۋاعا جانە ساپالى ينفراقۇرىلىمعا قول جەتكىزۋىن قولدايدى. جول جانە كولىك ينفراقۇرىلىمىن، تۇرعىن ۇي-كوممۋنالدىق سالانى جاڭعىرتۋعا، سونداي-اق قولايلى ەكولوگيالىق جاعدايدى ساقتاۋعا باعىتتالعان جۇمىسپەن قامتۋدىڭ 2020-2021 جىلدارعا ارنالعان جول كارتاسى، «اۋىل-ەل بەسىگى» جوباسى ىسكە اسىرىلادى. اۋدانداعى اۆتوموبيل جولدارىنىڭ جوعارى ساپالىلىعىن قامتاماسىز ەتۋ دە باسىم باعىتتاردىڭ بىرىنە جاتادى. پارتيانىڭ 2025 جىلعا ارنالعان سايلاۋالدى باعدارلاماسىنىڭ شەڭبەرىندە جاڭا جول اۋىلىندا جول ماسەلەسى شەشىمىن تاباتىن بولادى. 2022 جىلى اۋىلدىڭ 6،9 شاقىرىم جولى جوندەلسە، 2023 جىلى س.ءومىرزاق ۇلى كوشەسىنە جوندەۋ جۇمىستارى قولعا الىنادى. وسى سەكىلدى جەرگىلىكتى جەردەگى كوپتەگەن الەۋمەتتىك ماسەلەنىڭ شەشىمىن تاپقان ، – دەدى نازىمحان ابيتايەۆ.

كانديداتتار پارتيانىڭ ىقپال ەتۋىمەن اۋداندا ارنايى الەۋمەتتىك قىزمەتتەرمەن مۇقتاجداردى قامتۋ ءۇشىن مەديسينالىق-الەۋمەتتىك مەكەمەلەر جەلىسىن كەڭەيتىپ، مۇگەدەك بالالارعا ارنالعان 4 وڭالتۋ جانە بەيىمدەۋ ورتالىعى اشىلاتىنىن العا تارتتى.

كەزدەسۋ سوڭىندا كانديداتتار قويىلعان بىرنەشە سۇراقتارعا تۇشىمدى جاۋاپ بەردى. كەزدەسۋگە كەلگەن حالىق وزدەرىن كوپتەن مازالاعان جول ماسەلەسىنىڭ پارتيانىڭ سايلاۋالدى باعدارلاماسى ارقىلى شەشىلەتىندىگىنە ريزاشىلىقتارىن ءبىلدىرىپ، «Nur Otan» پارتياسىنا داۋىس بەرەتىنىن جانە اعايىن-تۋىستى وسى پارتياعا داۋىس بەرۋگە شاقىراتىنىن جەتكىزدى.

«NurOtan» پارتياسىنىڭ جامبىل وبلىستىق فيليالى

«Nur Otan» پارتياسى جامبىل وبلىستىق سايلاۋ قورىنىڭ قاراجاتىنان تولەندى