«Nur Otan» پارتياسى قورداي اۋداندىق سايلاۋالدى شتابىنىڭ مۇشەلەرى مەن وبلىستىق جانە قورداي اۋداندىق ءماسليحاتىنا كانديداتتار اۋقاتتى اۋىلىنداعى مادەنيەت ۇيىندە اۋىل تۇرعىندارىمەن كەزدەستى. 

اۋداندىق سايلاۋالدى شتابى ءتورايىمىنىڭ ورىنباسارى رۋسلان نۇرسيپاتوۆ باستاعان ۇگىت-ناسيحات توبى اۋحاتتى اۋىلى تۇرعىندارىنا ەڭ ءبىرىنشى پارتيانىڭ «قازاقستان 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىن جۇزەگە اسىرۋ بويىنشا قورداي اۋدانىندا 2015-2019 جىلدارداعى اتقارىلعان جۇمىستاردى بايانداپ ءوتتى.

اتالعان باعدارلاما ارقىلى اۋقاتتى اۋىلىنىڭ كوشەلەرى تولىق اسفالتتالعان. ەلدى مەكەندى گازداندىرۋ جۇمىستارى دا تولىق اياقتالىپ، اۋحاتتىلىقتار كوگىلدىر وتىننىڭ يگىلىگىن كورە باستادى. تۇرعىنداردىڭ سۇراۋى بويىنشا اۋىلدىق №9 ورتا مەكتەبى كۇردەلى جوندەۋدەن ءوتىپ، تولىقتاي جاڭارتىلعان ءبىلىم ورداسى حالىق يگىلىگىنە بەرىلدى.

كەزدەسۋدە سايلاۋالدى شتابىنىڭ مۇشەلەرى تانىستىرعان «Nur Otan» پارتياسىنىڭ قورداي اۋدانىن دامىتۋدىڭ سايلاۋالدى باعدارلاماسى اۋىل تۇرعىندارىنىڭ كوڭىلىنەن شىقتى.

– سايلاۋالدى باعدارلاماعا ساي اۋىلدا شاعىن جانە ورتا بيزنەستى دامىتۋ ءۇشىن جاعداي جاساۋ ەسەبىنەن 385-تەن استام جاڭا جۇمىس ورنى قۇرىلادى. بۇل شارالار ءوندىرىس كولەمىن 807 ميلليون تەڭگەگە ارتتىرۋعا مۇمكىندىك بەرەدى. ءبىر سوزبەن ايتقاندا سالاداعى قولداۋ ناتيجەسىندە اۋىل وكرۋگتەردەگى 1 اۋلاعا كىرىس اعىمداعى جىلى 104 مىڭ تەڭگەدەن بولسا، 2025 جىلى 209،1 مىڭ تەڭگەگە كوبەيەدى، - دەدى كانديدات لۋگمار بۋلاروۆ.

اۋىل تۇرعىندارىدا ءوز تاراپتارىنان پارتيانىڭ مۇرىندىق بولۋىمەن اتقارىلعان جۇمىستارعا رازىلىعىن ءبىلدىردى.

«Nur Otan» پارتياسىنىڭ جامبىل وبلىستىق فيليالى

«Nur Otan» پارتياسى جامبىل وبلىستىق سايلاۋ قورىنىڭ قاراجاتىنان تولەندى