اقش-تىڭ 10 ەكس-قورعانىس ءمينيسترى ترامپتى جانە ونىڭ جاقتاستارىن سايلاۋداعى جەڭىلىستى قابىلداۋعا شاقىردى. سايلاۋ ناتيجەسىن بۇزۋ ءۇشىن ارميانى قولدانباۋدى ەسكەرتتى. بۇعان دەيىن ترامپتىڭ اسكەري كۇش قولدانىپ، سايلاۋدى قايتا وتكىزۋدى سۇراعانى جاريالانعان.
ۆاشينگتون پوستتا جارىق كورگەن جانە بۇرىن-سوڭدى بولماعان بىرلەسكەن حاتتا قورعانىس حاتشىلارى دجو بايدەننىڭ يناۋگۋراسياسىنا دەيىن قالعان ترامپ اكىمشىلىگىنىڭ 17 كۇنىندە ىقتيمالدى ەڭ ۇلكەن قورقىنىش تۋرالى جازدى. ترامپ اسكەري ينتەرۆەنسيانى باستاۋ ماقساتىندا داعدارىس تۋدىرۋى مۇمكىن ەكەنىن ايتتى.
"اقش-تىڭ قارۋلى كۇشتەرىن سايلاۋ داۋلارىن شەشۋگە تارتۋ ارەكەتتەرى ءبىزدى ءقاۋىپتى، زاڭسىز جانە كونستيتۋسيالىق ەمەس تەرريتورياعا اپارادى" دەلىنگەن حاتتا.
"وسىنداي شارالاردى باسقاراتىن نەمەسە جۇزەگە اسىراتىن ازاماتتىق جانە اسكەري شەنەۋنىكتەر ىس-ارەكەتتەرىنىڭ رەسپۋبليكامىزعا اۋىر زارداپتارى ءۇشىن قىلمىستىق جازاعا تارتىلۋى مۇمكىن، جاۋاپ بەرەدى" دەپ جازىلعان حاتتا.
قول قويۋشىلاردىڭ اراسىندا ترامپ اكىمشىلىگىندە قورعانىس حاتشىسىنىڭ قىزمەتىن اتقارعان دجەيمس مەتتيس پەن مارك ەسپەر دە بولدى . ەسپەر ماۋسىم ايىندا ترامپقا اشىق تۇردە قارسى شىعىپ، اقش اسكەرلەرىن ەكسترەمالدىق جاعدايدا كوشەگە ورنالاستىرۋعا مۇمكىندىك بەرەتىن كوتەرىلىس تۋرالى زاڭعا جۇگىنۋگە نەگىز جوق ەكەنىن العا تارتقان.
پىكىر قالدىرۋ