«Nur Otan» وڭىرلەردە حالىقپەن كەزدەسۋدى جالعاستىرۋدا. بۇگىن پارتيا سايلاۋالدى شتابىنىڭ مۇشەلەرى سولتۇستىك قازاقستان وبلىسىندا بولدى.
وسىنداعى چاپايەۆو اۋىلىندا ورنالاسقان «قىزىلجار ءسۇت» بازاسىندا ءوڭىردىڭ ءىرى اۋىل شارۋاشىلىق كاسىپورىندارىنىڭ باسشىلارىمەن بىرگە پارتيانىڭ سايلاۋالدى باعدارلاماسى اياسىندا سالانى دامىتۋ ماسەلەلەرىن قاراستىردى.
«بۇگىندە ازاماتتارىمىزدىڭ 40%-تەن استامى اۋىلدا تۇرادى. ەلباسى، پارتيا ليدەرى نۇرسۇلتان نازاربايەۆتىڭ باستاماسىمەن قولعا الىنعان «اۋىل – ەل بەسىگى» جوباسى اياسىندا ءبىز اۋىلدىڭ الەۋەتىن بارىنشا ىسكە اسىرۋعا، اۋىل تۇرعىندارىنىڭ ءومىر ءسۇرۋ ساپاسىن جاقسارتۋعا ودان ءارى جاعداي جاسايتىن بولامىز. تاياۋداعى 5 جىلدا «Nur Otan» جاڭا ينۆەستيسيالىق جوبالار مەن فەرمەرلىك شارۋاشىلىقتار قۇرۋ ەسەبىنەن اۋىل شارۋاشىلىعىندا 500 مىڭداي ادامدى جۇمىسپەن قامتاماسىز ەتۋ مىندەتىن قويىپ وتىر. اۋىلدا كووپەراسيانى ىنتالاندىرۋ، اۋىل شارۋاشىلىعى ونىمدەرىن فورۆاردتىق ساتىپ الۋدى كەڭەيتۋ، زاماناۋي سيفرلىق تەحنولوگيالاردى ەندىرۋ بويىنشا شارالار قابىلدانادى»، - دەپ اتاپ ءوتتى سايلاۋالدى شتاب جەتەكشىسى باۋىرجان بايبەك.
حالىقارالىق تالاپتارعا سايكەس ۆەتەرينارلىق، فيتوسانيتارلىق جانە كارانتين قىزمەتتەرىن جاڭعىرتۋ جالعاسادى. سونداي-اق، اۋىل شارۋاشىلىعىن عىلىمي ازىرلەمەلەرمەن قامتاماسىز ەتۋ بويىنشا اگرارلىق عىلىم ءۇشىن ناقتى نىسانالى ينديكاتورلار دايىندالادى.
ەلدى وتاندىق ءوندىرىستىڭ نەگىزگى ازىق-تۇلىك تاۋارلارىمەن قامتاماسىز ەتۋ ءۇشىن 2025 جىلعا قاراي جالپى اۋىل شارۋاشىلىعى ءونىمىنىڭ كولەمىن 1،3 ەسە، ەڭبەك ونىمدىلىگىن – 2،5 ەسە، وڭدەلگەن ءونىمنىڭ ۇلەسىن 70%-كە جەتكىزە وتىرىپ، ەكسپورتتى – 2 ەسە ارتتىرۋ جوسپارلانۋدا.
وسى كۇنى بەسكول اۋىلىندا پارتيا مۇشەلەرى «ەڭبەك» مەملەكەتتىك باعدارلاماسى اياسىندا وڭىرگە قونىس اۋدارعان وتباسىلارمەن كەزدەسىپ، ولارمەن بىرگە سولتۇستىك قازاقستان وبلىسىنىڭ الداعى دامۋ جوسپارىن تالقىلادى.
اتاپ ايتقاندا، وڭىردە 65 مىڭ جاڭا جۇمىس ورنىن اشۋ، مىڭ شاقىرىمنان استام اۆتوجول سالۋ جانە جوندەۋ، 142 اۋىلدىڭ 115 مىڭ تۇرعىنىن ساپالى اۋىز سۋمەن قامتاماسىز ەتۋ، سونداي-اق الەۋمەتتىك مۇقتاج ازاماتتارعا ارناپ 2،5 مىڭ پاتەر سالىپ، جالپى 1،6 ملن-نان استام شارشى مەتر تۇرعىن ءۇيدى پايدالانۋعا بەرۋ جوسپارلانىپ جاتىر.
«مەملەكەت باسشىسى قاسىم-جومارت توقايەۆ «تاۋەلسىزدىك بارىنەن قىمبات» اتتى ماقالاسىندا اتاپ كورسەتكەندەي، ازاماتتاردىڭ ەل ىشىندە ەڭبەك كوشى-قونىنا، اسىرەسە شەكارالاس ەلدى مەكەندەردە قولايلى جاعداي جاساۋ قاجەت. سايلاۋالدى باعدارلامامىزدىڭ اياسىندا ءبىز ەڭبەك كۇشى كوپ وڭىرلەردەن وعان تاپشىلىق بار ايماقتارعا كوشۋشى وتباسىلارعا قولداۋ كورسەتەمىز. بۇل رەتتە «ديپلوممەن – اۋىلعا» باعدارلاماسى بويىنشا كەلەتىن جاس ماماندارعا تۇرعىن ءۇي الۋعا جەڭىلدەتىلگەن نەسيە بولىنەدى. سونىمەن قاتار وڭىرلەر دەڭگەيىندە جاس وتباسىلاردىڭ تۇرعىن ءۇي ماسەلەسىن شەشۋ بويىنشا باعدارلاما ازىرلەنەدى. ەلىمىز بويىنشا جىل سايىن 700 مىڭداي ادام جۇمىسپەن قامتۋدىڭ بەلسەندى فورمالارىمەن قامتىلادى»، - دەپ تولىقتىردى بيلەۋشى پارتيا ءتوراعاسىنىڭ ءبىرىنشى ورىنباسارى.
بۇدان كەيىن پەتروپاۆل قالاسىندا سايلاۋالدى شتاب وكىلدەرى بىرنەشە كەزدەسۋ وتكىزدى. ونىڭ ىشىندە ەرەكشە قاجەتتىلىگى بار بالالاردى تاربيەلەپ وتىرعان انالارمەن جۇزدەستى.
«بارشا بالاعا – تەڭ مۇمكىندىك» قاعيداتىن ىسكە اسىرا وتىرىپ، «Nur Otan» پارتياسى بارلىق كوللەدج بەن جوعارى وقۋ ورىندارىندا، سونداي-اق 70% مەكتەپ پەن مەكتەپكە دەيىنگى ۇيىمداردا ينكليۋزيۆتى ءبىلىم بەرۋدى ەنگىزۋدى قامتاماسىز ەتەدى. وڭالتۋ ورتالىقتارىنىڭ سانى ارتىپ، ەرەكشە قاجەتتىلىگى بار بالالارعا پسيحولوگيالىق-پەداگوگيكالىق جانە كوررەكسيالىق قولداۋ بويىنشا مەملەكەتتىك تاپسىرىس ەنگىزىلەدى. اسىراۋشىسىنان ايرىلعان بالالار ءبىر مەزگىلدە مۇگەدەكتىگى جانە اسىراۋشىسىنان ايرىلۋى بويىنشا 2 جاردەماقى الا الادى. سونداي-اق، ەرەكشە قاجەتتىلىگى بار بالالار ءۇشىن كامەلەتتىك جاسقا تولعاننان كەيىن دە تۇرعىن ۇيگە كەزەگىنىڭ ۇزىلمەۋى قامتاماسىز ەتىلەدى.
جالپى، «كەدەرگىسىز كەلەشەك» جوباسى اياسىندا الداعى 5 جىلدا ەرەكشە قاجەتتىلىگى بار ادامدار ءۇشىن 22 مىڭ الەۋمەتتىك ينفراقۇرىلىم نىسانىن بەيىمدەۋ جالعاسىن تابادى. جۇمىسقا ورنالاستىرۋ بويىنشا كۆوتانى ورىندامايتىن جۇمىس بەرۋشىلەر ءۇشىن وتەماقى تولەمى ەنگىزىلىپ، ول قاراجات ەرەكشە قاجەتتىلىگى بار ادامدار ءۇشىن جۇمىس ورىندارىن اشۋعا باعىتتالادى.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ