"ەكولوگيالىق ماسەلەلەر بويىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى" زاڭعا سايكەس، 2021 جىلدىڭ 1 شىلدەسىنەن باستاپ لاس گاز ءۇشىن جانە شۋلى گلۋشيتەلدى قولدانعانى ءۇشىن ايىپپۇلدار 5 ەسەگە وسەدى. بۇل تۋرالى zakon.kz حابارلادى.

وسىلايشا، كودەكستىڭ 334-بابىنا ەنگىزىلگەن "اۆتوكولىك قۇرالدارىن جانە باسقا دا جىلجىمالى كولىك قۇرالدارىن شىعارىندىلارداعى لاستاۋشى زاتتاردىڭ قۇرامى نورماتيۆتەرىنەن (تەحنيكالىق ستاندارتتاردان) اسىپ ءتۇسۋ" دەگەن وزگەرىس كىر لاس گازدار مەن شۋلى گلۋشيتەلدەر ءۇشىن اۆتوكولىك يەلەرىنە العاشقى رەت 10 اەك (29 170) مولشەرىندە ەسكەرتۋ نەمەسە ايىپپۇل سالۋدى كوزدەيدى.

جىل ىشىندە زاڭ بۇزۋشىلىق قايتالانعان جاعدايدا 20 اەك (58340 تەڭگە) ايىپپۇل قاراستىرىلعان.

قازىرگى ۋاقىتتا ايىپپۇل مولشەرى جەكە تۇلعالارعا – 2 اەك، بىرنەشە رەت بۇزىلعان جاعدايدا – 5 اەك-تى قۇرايدى.

زاڭدى تۇلعالار ءۇشىن ايىپپۇل  – 100 اەك (291 700 تەڭگە)، قايتالانعان بۇزۋشىلىقتار كەزىندە – 200 اەك (583 400 تەڭگە).