الەمدەگى ەڭ ءىرى ويىن اۆتوماتتارىن جاساۋشى International Game Technology Plc كومپانياسى Megabucks جانە Fortune Wheel سياقتى كازينو ويىندارىندا تولەم جاساۋ قۇرالى رەتىندە كريپتوۆاليۋتانى قاراستىرۋى مۇمكىن. سەيسەنبىدە كومپانيا ويىنشىعا ويىن مەكەمەسى مەن سىرتقى كريپتوۆاليۋتا شوتى اراسىندا كريپتوۆاليۋتانى اۋدارۋىنا مۇمكىندىك بەرەتىن پاتەنت الدى. بۇل دەگەنىمىز، ويىنشىلار بيتكويندى ويىن اۆتوماتتارىندا قولدانا الادى.

كوۆيد-19 پاندەمياسى بيتكوينگە دەگەن قىزىعۋشىلىقتى ارتتىردى. بيتكوين وتكەن جىلى ءتورت ەسەدەن استام قىمباتتاپ، جاقىندا ەڭ جوعارى دەڭگەيگە جەتتى. بيتكوين ترانزاكسيالاردا كەڭىنەن قولدانىلماسا دا، كەيبىر قولدانۋشىلار كريپتوۆاليۋتامەن قىمبات ماشينالار، ۇيلەر مەن قايىقتار ساتىپ الاتىنى بەلگىلى بولدى. ول سونداي-اق ونلاين-پوكەر سايتتارىندا جانە بىرنەشە ويىن باعدارلامالارىندا قولدانىلادى.