قىتايلىق مينەرال سۋ وندىرەتىن ماگنات، ميللياردەر چجۋن شانشان جاڭا رەكورد ورناتۋدا، دەپ حابارلادى Forbes.

Bloomberg Billionaires يندەكسىنە سايكەس، قىتايدا بوتەلكەدەگى سۋ وندىرەتىن Nongfu Spring Co. كومپانياسىنىڭ ءتوراعاسى چجۋن شانشان ءقازىر Coca-Cola كومپانياسىنىڭ ەڭ ءىرى ينۆەستورى ۋوررەن باففەتكە قاراعاندا باي. ويتكەنى قىتايلىق ماگناتتىڭ بايلىعى جىل باسىنان بەرى 13،5 ميلليارد دوللارعا ارتىپ، سەيسەنبىدە 91،7 ميلليارد دوللارعا جەتكەن.

66 جاستاعى چجۋن ءقازىر عالامشارداعى التىنشى داۋلەتتى ادام بولدى. Nongfu اكسيالارى 2021 جىلدىڭ العاشقى ەكى ساۋدا كۇنىندە 18%-عا كوتەرىلىپ، قىركۇيەك ايىنداعى ليستينگتەن باستاپ اۆانستى 200%-دان جوعارى دەڭگەيگە جوعارىلاتتى. ال سارسەنبىدە اكسيالار 0،7% پايىزعا قىمباتتادى.

جەرگىلىكتى جەردە كلۋبتىق بيزنەس-توپتارعا نەمەسە ساياساتقا ارالاسپاعانى ءۇشىن "جالعىز قاسقىر" دەگەن لاقاپ اتقا يە بولعان چجۋن ۆاكسينا جاساۋشى Beijing Wantai Biological Pharmacy Enterprise Co. كومپانياسىن ءساۋىر ايىندا مەنشىگىنە الدى. ال ونىڭ اكسيالارى 2800%-عا ءوستى.