"اشۋلى جانە وقشاۋلانعان دونالد ترامپ امەريكانىڭ يادرولىق زىمىراندارىن ءالى دە جالعىز باقىلاۋدا ۇستايدى" دەپ حابارلادى Forbes.
مامانداردىڭ سوزىنە سايكەس، اقش زاڭى مەن ەرەجەلەرى بويىشا، يادرولىق شابۋىلعا بۇيرىق بەرۋ قۇقىعى پرەزيدەنتتىڭ جەكە وزىنە تيەسىلى. 
"ءبىز شىنىمەن دە الاڭداۋىمىز كەرەك" دەدى ۆاشينگتونداعى قارۋ-جاراقتى باقىلاۋ قاۋىمداستىعىنىڭ يادرولىق ساراپشىسى كينگستون رەيف.
اقپاراتقا سايكەس، اقش-تا شامامەن 6200 يادرولىق وقتۇمسىق بار.
Forbes باسىلىمىنىڭ جازۋىنشا، ەگەر ترامپ ءوز اكىمشىلىگىنىڭ سوڭعى كۇندەرىندە يادرولىق شابۋىل جاساۋعا بۇيرىق بەرسە پەنتاگوننىڭ اتومدىق شابۋىل تىزبەكتەرىن توقتاتاتىن ەشقانداي مۇمكىندىگى جوق. 
"بۇيرىقتار جىبەرىلەدى. زىمىران، سۇڭگۋىر قايىق جانە بومبالاۋشى قوندىرعىلار ماقساتتى توپتامالار شىعارادى. يادرولىق زىمىراندار ۇشادى. بۇل پرەزيدەنتتىڭ اقىل-ويىنا نەمەسە كوڭىل-كۇيىنە قاراماستان جۇزەگە اسىرىلادى" دەيدى يادرولىق ساراپشى انكيت پاندا.
امەريكالىق يادرولىق جۇيەنىڭ بۇل ەرەكشەلىگى ۇزاق ۋاقىت بويى ساراپشىلاردى، ءتىپتى كەيبىر مەملەكەتتىك قىزمەتكەرلەردى مازالاپ كەلەدى.
"بۇل پرەزيدەنت [ريچارد] نيكسوننىڭ اينالاسىنداعى ادامداردى دا الاڭداتقان. سول سياقتى ءقازىر دە ترامپتىڭ بۇكىل پرەزيدەنتتىك كەزەڭىندە ونىڭ يادرولىق ۇشىرۋ قۇزىرەتىنە جالعىز يە بولا الاتىندىعىنا الاڭداپ جاتىرمىز" دەدى  يادرولىق ساراپشى.

ال، اقش كونگرەسسمەندەرى دە ترامپتىڭ يادرولىق زىمىرانداردى قولدانۋ ىقتيمالدىعى بار ەكەنىن ايتادى.