پارلامەنتى ءماجىلىسى جانە ءماسليحاتتارى دەپۋتاتتارىنىڭ سايلاۋىندا داۋىس بەرۋدى ۇيىمداستىرۋ جانە وتكىزۋ كەزىندە COVID-19 كوروناۆيرۋس ينفەكسياسىنىڭ تارالۋىنىڭ الدىن الۋ جونىندەگى شارالار تۋرالى قاۋلى بويىنشا ۇيدە ەمدەلۋىنە نەمەسە كوروناۆيرۋسقا قاتىستى كارانتيندە بولۋىنا بايلانىستى ءوزىن-وزى وقشاۋلاۋ رەجيمىندەگى سايلاۋشىلارعا داۋىس بەرۋ پاتەرگە كىرمەي ۇيىمداستىرىلۋعا ءتيىس. بۇل تۋرالى coronavirus2020.kz سايتى حابارلادى.
مۇنداي داۋىس بەرۋدى بايلانىسسىز تاسىلمەن، مىسالى، ساتى الاڭىندا (ءۇي ماڭىنداعى اۋماقتا) قاتىسۋشى داۋىس بەرۋگە ارنالعان بيۋللەتەندى جانە ءۇي-جايدان تىس جەردە داۋىس بەرۋ تۋرالى ءوتىنىش تاسىمالداناتىن جاشىككە سالۋ ارقىلى وتكىزۋگە بولادى.
- داۋىس بەرۋگە ارنالعان بيۋللەتەندى العانعا دەيىن داۋىس بەرۋگە قاتىسۋشى ماسكا تاعىپ، قولىن انتيسەپتيكپەن وڭدەۋى ءتيىس.
- ۋچاسكەلىك كوميسسيا مۇشەلەرى مىندەتتى تۇردە قولدارىن، تاسىمالداناتىن جاشىكتىڭ بەتتەرىن دەزينفەكسيالاۋى كەرەك.
- جەكە قورعانىش قۇرالدارىن قايتا پايدالانۋعا بولمايدى، كورسەتىلگەن جەكە قورعانىش قۇرالدارى تىعىز جابىلاتىن كونتەينەرگە نەمەسە ودان ءارى كادەگە جاراتۋ ءۇشىن باكقا سالىنۋى ءتيىس.
پىكىر قالدىرۋ