تاۋەلسىز باقىلاۋشى عالىمجان ورازىمبەت ەلدە ءوتىپ جاتقان پارلامەنت ءماجىلىسى مەن ءماسليحاتتار دەپۋتاتتارىنىڭ سايلاۋىندا تىركەلگەن ءبىرقاتار زاڭسىزدىقتار تۋرالى ايتتى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازۋدا.

– الماتىدا ۋچاسكەگە باقىلاۋشىنى كىرگىزبەي قويعان. پتر-ىڭ جارامسىز. پتر جاساۋعا رۇقساتى بار كلينيكالار تىزىمىندە سەن جاساعان كلينيكا جوق دەپ. ءدال قاسىنداعى ۋچاسكەدە ونداي تالاپ جوق. جۋرناليستەر بارا جاتقاندا كىرگىزدى. الگى قۇجات تۋرالى ەشتەڭە ايتىلمادى سوسىن، –  دەدى ول.

سونىمەن قاتار باقىلاۋشى الماتى قالاسىنداعى №386 سايلاۋ ۋچاسكەسىنە "ورىن جوقتىعىن" جەلەۋ ەتىپ باقىلاۋشىلاردى كىرگىزبەي جاتقانىن ايتتى.

ونىڭ سوزىنشە، الماتى وبلىسىنداعى №463 ۋچاسكەدە دە زاڭسىزدىقتار بولعان. ءبىر ۋچاسكەدە "ءبىر ۇيىمنان ەكى باقىلاۋشى بولمايدى" دەپ شىعارىپ جىبەرگەن. 

– ءبىر ۋچاسكەلەردە نۇرباقىلاۋشىلار ءبىزدىڭ باقىلاۋشىلاردى فوتوعا ءتۇسىرىپ، ارانداتۋعا تىرىسىپ جاتىر. باقىلاۋشىلاردى باقىلايتىن توپ دايىنداپ جاتقاندار تۋرالى الدىن بىلگەنبىز. ەندى ىستە كورىپ وتىرمىز. باقىلاۋشىلارىمىزعا وتە قيىن. ءبىر جاعىنان كوميسسيا، ەكىنشى جاعىنان "ارىپتەستەرى"، – دەپ جازدى تاۋەلسىز باقىلاۋشى.