قازاقستان پرەزيدەنتى قاسىم-جومارت توقايەۆ ءماجىلىستىڭ جاڭا قۇرامىنا ۇندەۋ جاسايتىنىن، الدا رەفورمالار تۋرالى ۇلتتىق كەڭەس وتىرىسى وتەتىنىن ايتتى، دەپ جازادى "حابار 24".
– رەفورمالار دايىندالىپ جاتىر. رەفورمالار توقتاپ قالماۋى ءتيىس. 15 قاڭتاردا پارلامەنتتە ءسوز سويلەپ، ونىڭ ىشىندە ءماجىلىستىڭ جاڭا قۇرامىنا دا ۇندەۋ جاسايمىن. ودان كەيىن ۇلتتىق قوعامدىق سەنىم كەڭەسىنىڭ وتىرىسى ءوتىپ، وندا رەفورمالار ماسەلەسىنە قاتىستى وتە سالماقتى اڭگىمە قوزعالادى، – دەدى ول.
پرەزيدەنت سونداي-اق سايلاۋدان ۇكىمەت وتستاۆكاعا كەتەتىنىن ءمالىم ەتتى.
– ۇكىمەتكە قاتىستى ايتار بولسام، ءبىزدىڭ زاڭنامامىزعا سايكەس، ول وتستاۆكاعا كەتۋى ءتيىس. سايلاۋ اياقتالعاننان كەيىن تاياۋ ۋاقىتتا پرەمەر-مينيستردىڭ، سونىمەن قاتار ۇكىمەت مۇشەلەرىنىڭ كانديداتۋرالارى بويىنشا دەپۋتاتتاردىڭ جاڭا قۇرامىمەن، فراكسيا باسشىلارىمەن كەڭەسۋ ءۇشىن پارلامەنتكە بارامىن، – دەدى پرەزيدەنت.
پىكىر قالدىرۋ