قىرعىزستاندا  وتكەن پرەزيدەنت سايلاۋىندا سادىر جاپاروۆ جەڭىسكە جەتتى دەپ حابارلادى BBC.com.

سادىر جاپاروۆ سايلاۋشىلار داۋىسىنىڭ 80%-ىن يەلەندى. ول بۇرىن ساياساتتاعى قارسىلاسىن تۇتقىنعا العانى ءۇشىن تۇرمەدە وتىرعان. سادىر جاپاروۆ كونستيتۋسياعا وزگەرىس ەنگىزۋ ءۇشىن جاڭا پرەزيدەنت وكىلەتتىلىگىن ۇزارتۋدى جوسپارلاپ وتىر.

قىرعىزستاندا قازاندا پارلامەنت سايلاۋى وتكەن. سايلاۋ ناتيجەسى حالىق اراسىندا قىزۋ تالقىعا ءتۇسىپ، ميتينگتەر ۇيىمداستىرىلىپ، سول كەزدەگى ەل پرەزيدەنتى سوورونباي جەنيشبەك وتستاۆكاعا كەتكەن.   

سادىر جاپاروۆ جەكسەنبى كۇنى بىشكەكتە سويلەگەن سوزىندە جەمقورلىق جايلاماعان اشىق ۇكىمەت قۇرۋعا ۋادە بەردى.

– ءبىز بۇرىنعى ۇكىمەتتىڭ قاتەلىگىن قايتالامايمىز. 30 جىل بويى ەلدى جەمقورلىق جايلاپ كەلدى. پاراقورلىقتى جوياتىن ۋاقىت كەلدى، – دەدى سادىر جاپاروۆ.

ول قىرعىزستان ەكونوميكاسىن 3-5 جىلدا قالپىنا كەلتىرۋگە ۋادە بەردى.

قىرعىزستاندا سوڭعى جىلدارى جۇمىسسىزدىق دەڭگەيى وسكەن. جاستار جۇمىس تابۋ ءۇشىن شەتەلگە كوپتەپ كەتىپ جاتىر.