پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو قازاقستان حالقى اسسامبلەياسىنىڭ شاقىرىلىمىندا زەينەتكە شىعاتىنىن مالىمدەدى.
– بولدى، راحمەت. كەيبىرەۋلەر مەنى ۇنەمى زەينەتكە شىعاراتىن، ەندى كەتەمىن. مەن ونى ءتىپتى Facebook-تە جاريالادىم. بولاشاقتا نە ىستەيتىنىمدى ءالى بىلمەيمىن، ءبىراق مەنىڭ جەتى نەمەرەم بار، سوندىقتان ىستەيتىن دۇنيە تابىلار،– دەدى بوجكو.
بوجكو پرەزيدەنت قاسىم-جومارت توقايەۆقا جانە ءماجىلىس سپيكەرى نۇرلان نىعماتۋلينگە العىسىن ءبىلدىرىپ، 2019 جانە 2020 جىلدارى الەۋمەتتىك جانە قارجىلىق قولداۋدى كۇشەيتەتىن كوپتەگەن زاڭدار قابىلدانعانىن اتاپ ءوتتى.
"قابىلدانعان زاڭدارعا سايكەس ەكى تريلليونعا جۋىق تەڭگە جالاقىنى، الەۋمەتتىك جاردەماقىنى تىكەلەي ازاماتتارىمىزدىڭ قالتاسىنا تۇسىردىك. مەن بەس جىل جۇمىس ىستەگەنىمە ۇيالمايمىن" دەپ تۇيىندەدى بوجكو.
پىكىر قالدىرۋ