7-10 قاڭتار ارالىعىندا قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋىمەن شىۇ ميسسياسى پارلامەنت ءماجىلىسىنىڭ سايلاۋىنا دايىندىق جانە باقىلاۋشىلاردىڭ 55ء-شى مەرەيتويلىق ميسسياسىن وتكىزدى. ميسسيا قۇرامىندا 15 باقىلاۋشى – زاڭنامالىق سايلاۋ ورگاندارىنىڭ وكىلدەرى اككرەديتتەلدى. بۇل تۋرالى سايلاۋدى وتكىزۋ قورىتىندىسىنا ارنالعان بريفينگتە ميسسيا باسشىسى، شىۇ باس حاتشىسىنىڭ ورىنباسارى مالىمدەدى، دەپ جازادى ortcom.kz سايتى.

چجان حايچجوۋدىڭ ايتۋىنشا، ميسسيا مۇشەلەرى 118 سايلاۋ ۋچاسكەسىنە باردى. ول پروسەستى ۇيىمداستىرۋعا دايىندىق جاقسى بولعانىن اتاپ ءوتتى.

– سانيتارلىق نورمالاردى ساقتاۋ، مۇمكىندىگى شەكتەۋلى ادامدار ءۇشىن جاعدايلار جاسالعان، سۋردواۋدارماشىلاردىڭ كومەگى قاراستىرىلعان. حالىقارالىق بايقاۋشىلاردى شاقىرۋ اشىقتىق پەن دەموكراتياعا ۇمتىلىس رەتىندە باعالانادى. قازاقستان رەسپۋبليكاسىندا ازاماتتاردىڭ بارلىق كونستيتۋسيالىق قۇقىقتارىن تەڭ جانە ەركىن جۇزەگە اسىرۋ ءۇشىن قاجەتتى جاعدايلار جاسالعان. سايلاۋ ناتيجەلەرىنە اسەر ەتۋى مۇمكىن بۇزۋشىلىقتار انىقتالعان جوق. ميسسيا، ەلدىڭ زاڭ شىعارۋشى ورگانىن سايلاۋ دەموكراتيالىق قازاقستاندى ودان ءارى دامىتۋ جولىنداعى ماڭىزدى قادام بولدى دەپ مالىمدەيدى. ميسسيا قازاقستان رەسپۋبليكاسىنىڭ حالقىن سايلاۋدىڭ اياقتالۋىمەن قۇتتىقتايدى جانە مەملەكەتتىلىكتى نىعايتۋ مەن الەۋمەتتىك-ەكونوميكالىق دامۋ باعىتىن ودان ءارى جۇزەگە اسىرۋدا تابىس تىلەيدى، – دەدى شىۇ باقىلاۋشىلار ميسسياسىنىڭ باسشىسى.

ول سونداي-اق ءسىم، وسك جانە باسقا دا ۆەدومستۆولاردىڭ اتىنان ميسسيا بويىنشا ارىپتەستەرىنە، ناۋقاندى ۇيىمداستىرۋشىلارعا ريزاشىلىعىن ءبىلدىردى.