سايلاۋ كەزىندە رەسپۋبليكاداعى 7 مىڭنان استام مەكتەپتىڭ 5 522 مەكتەبى سايلاۋ ۋچاسكەسى ءۇشىن پايدالانىلدى؛ مەكتەپكە دەيىنگى 6 651 ۇيىمنىڭ 143ء-ى؛ 644 ورتا ءبىلىم بەرۋ ۇيىمىنىڭ 215ء-ى؛ 125 جوعارى وقۋ ورنىنىڭ 53ء-ى جانە 22 مەكتەپ-ينتەرناتى مەن سپورت مەكتەبى، 114 جوعارى وقۋ ورنىنىڭ جاتاقحانالارى، سونىمەن قاتار وزگە ءبىلىم بەرۋ ۇيىمدارىندا ورنالاسقان 12 ۇيىرمە نىسانى (مەكتەپ وقۋشىلارىنا ارنالعان ساراي، شىعارماشىلىق ءۇيى، مۋزىكالىق مەكتەپتەر) پايدالانىلدى دەپ جازدى سانيتارلىق ەپيدەميولوگيالىق باقىلاۋ كوميتەتى.

ق ر باس مەملەكەتتىك سانيتار دارىگەردىڭ 2020 جىلعى 29 جەلتوقسانداعى №69 «قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ سايلاۋىن ۇيىمداستىرۋدا جانە وتكىزۋدە COVID-19-دىڭ تارالۋىنىڭ الدىن الۋ شارالارى تۋرالى» قاۋلىسىنا سايكەس، سايلاۋ ۋچاسكەسى رەتىندە پايدالانىلعان ءبىلىم بەرۋ مەكەمەلەرىندە سايلاۋ اياقتالعاننان كەيىن زالالسىزداندىرۋ شارالارى ۇيىمداستىرىلادى.

دەزينفەكسيالىق ءىس-شارالار اياقتالعان سوڭ مەكتەپ قابىرعاسىندا كەزەكشى سىنىپتار مەن 9، 11 سىنىپتار ءۇشىن ءداستۇرلى فورماتتاعى وقۋ پروسەسى ءار ءتۇرلى ۋاقىتتا (ءبىرىنشى نەمەسە ەكىنشى اۋىسىمدا) باستالادى.

داۋىس بەرۋ پروسەسىن ۇيىمداستىرۋدا پايدالانىلماعان جانە دەزينفەكسيانى اياقتاعان ۇيىمداردا وقىتۋ 2021 جىلعى 11 قاڭتاردا مەكتەپ قابىرعاسىندا (ءبىرىنشى نەمەسە ەكىنشى اۋىسىمدا) باستالادى.

دەزينفەكسيالىق ءىس-شارالار اياقتالماعان ءبىلىم بەرۋ ۇيىمدارىنىڭ وقۋشىلارى 11 قاڭتاردا ونلاين فورماتتا، ياعني قاشىقتان وقيتىن بولادى.

وسىلايشا، ەلىمىزدىڭ بارلىق مەكتەپتەرىندە ءۇشىنشى توقسان بەكىتىلگەن كەستەگە سايكەس 11 قاڭتاردا قاشىقتان نەمەسە ءداستۇرلى فورماتتا باستالادى.