مەكتەپ ءبىتىرۋشى سىنىپتار ءۇشىن پاندەردىڭ 70%-ى ءداستۇرلى فورماتتا وتەدى. بۇل تۋرالى  ءبىلىم جانە عىلىم ۆيسە-مينيسترى شولپان كارينوۆا مالىمدەدى.

– كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمى بويىنشا 2020-2021 وقۋ جىلىنىڭ III توقسانىنان باستاپ وقۋ پروسەسى اتا-انالاردىڭ نەمەسە زاڭدى وكىلدەردىڭ ءوتىنىشى بويىنشا 1-5 سىنىپ وقۋشىلارى ءۇشىن كەزەكشى سىنىپتاردا ءداستۇرلى فورماتتا جالعاسادى. بۇل رەتتە مەكتەپتەردە سانيتارلىق تالاپتار ساقتالىپ، ءبىر سىنىپتا 15 ادامنان ارتىق ادام بولماۋعا ءتيىس، – دەيدى ۆيسە-مينيستر.
⠀
سونداي-اق ول وقۋشىلار سانى 300-دەن اسپايتىن مەكتەپتەردە وقۋ ءداستۇرلى فورماتتا جالعاساتىنىن ايتتى.
⠀
– مەنشىك نىسانىنا قاراماستان ءبىلىم بەرۋ ۇيىمدارىنىڭ ءبىتىرۋشى سىنىپتارى ءۇشىن وقىتۋ ارالاس فورماتتا ۇيىمداستىرىلادى: پاندەردىڭ 70%-ى ءداستۇرلى فورماتتا، ال 30%-ى قاشىقتان وقىتىلادى. بيىل ەلىمىز بويىنشا ءبىتىرۋشى سىنىپتارداعى وقۋشىلاردىڭ سانى 440 مىڭنان استام ادامدى قۇرايدى.
⠀
وقۋ پروسەسىن ارالاس فورماتتا ۇيىمداستىرۋ كەزىندە سانيتارلىق-ەپيدەميولوگيالىق نورمالار ساقتالىپ، ساباقتاردىڭ يكەمدى كەستەسى قۇرىلادى. سونىمەن قاتار الەۋمەتتىك قاشىقتىقتى ساقتاۋ ءۇشىن اۋىسىمدار مەن كىشى اۋىسىمدار سانى ۇلعايتىلىپ، ءاربىر سىنىپ ءۇشىن ساباق اراسىنداعى ۇزىلىستەر ءار ءتۇرلى ۋاقىتتا ۇيىمداستىرىلادى. سانيتارلىق تالاپتارعا سايكەس مەكتەپكە كىرۋ كەزىندە ءبىلىم الۋشىلار مەن پەداگوگتەردىڭ دەنە قىزۋىن كۇندەلىكتى ولشەۋ قاجەت.
⠀
سونداي-اق قاجەت بولعان جاعدايدا پەداگوگتەردىڭ، وقۋشىلاردىڭ جانە ولاردىڭ اتا-انالارىنىڭ قالاۋى بويىنشا شتاتتىق فورماتتا ءبىلىم الىپ جاتقان وقۋشىلار ءۇشىن مەكتەپتە جەكە كونسۋلتاسيالار وتكىزۋگە رۇقسات ەتىلگەن. ءبىر توپتا 5 ادامنان ارتىق بولماۋعا ءتيىس، – دەپ اتاپ ءوتتى شولپان كارينوۆا.