اقىن، حالىقارالىق الاش سىيلىعىنىڭ لاۋرەاتى، حالىقارالىق سەرگەي ەسەنين اتىنداعى سىيلىق – "التىن كۇز" جانە "قۇرمەت" وردەنىنىڭ يەگەرى، "قازاق ءۇنى" گازەتى ج ش س پرەزيدەنتى قازىبەك يسا جارىلقاسىنۇلىنا دەپۋتاتتىق ماندات بەرىلدى. ول ماجىلىسكە "اق جول" پارتياسىنان ۇسىنىلىپ وتىر.
قازىبەك يسا 1962 جىلى وڭتۇستىك قازاقستان وبلىسى ماقتارال اۋدانى ءبىرىنشى ماي اۋىلىندا دۇنيەگە كەلگەن.
1979 جىلى شاردارا اۋدانى قىزىلقۇم اۋىلىنداعى ورتا مەكتەپتى ءبىتىرىپ، الماتىداعى اباي اتىنداعى پەداگوگيكالىق ينستيتۋتىنىڭ (قازىرگى قازۇپۋ) كوركەمسۋرەت-گرافيكا فاكۋلتەتىنە تۇسەدى.
1984 جىلى ينستيتۋتتى بىتىرگەن قازىبەك يسا شاردارا اۋدانى قىزىلقۇم ورتا مەكتەبىندە ەڭبەك جولىن باستايدى.
1993 جىلى «وركەن» گازەتىندە ءبولىم رەداكتورى بولىپ ىستەدى.
1998 جىلى «قازاقپارات» باسپا كورپوراسياسىندا ۆيسە-پرەزيدەنت بولىپ قىزمەت ەتتى.
2009 جىلى "جاس قازاق ءۇنى" گازەتى باس ديرەكتورى – رەداكتورلار كەڭەسى ءتوراعاسى. سونىمەن قاتار "جۇلدىزدار قۇپياسى" جۋرنالى باس رەداكتورى جانە "تۇران" باسپاسىنىڭ ديرەكتورى اتانعان.
2012 جىلدان "اق جول" دەموكراتيالىق پارتياسى ءتوراعاسىنىڭ ورىنباسارى. سونىمەن بىرگە "قازاق ءۇنى" گازەتى پرەزيدەنتى – رەداكتورلار كەڭەسى ءتوراعاسى.
1995 جىلى تۇڭعىش جەكە كىتابى "كەرىمسال" دەگەن اتپەن جارىق كورىپ، ادەبي قاۋىمنىڭ جىلى باعاسىن الدى.
2002 جىلى "قىزىل جىڭعىل" كىتابى شىقتى.
2008 جىلى "ءتاتتى ءشول" جىر كىتابى جارىق كوردى.
2014 جىلى ماسكەۋدەن شىققان "نەزاۆيسيمىي كازاحستان: انتولوگيا سوۆرەمەننوي ليتەراتۋرى" (يزداتەلستۆو "حۋدوجەستۆەننايا ليتەراتۋرا") جيناعىندا ءبىر توپ ولەڭدەرى ورىس تىلىندە جارىق كوردى.
بىرنەشە رەسپۋبليكالىق ءمۇشايرالاردىڭ ءبىرىنشى جۇلدەگەرى.
2011 جىلى "قازاقستان رەسپۋبليكاسىنىڭ تاۋەلسىزدىگىنە 20 جىل" مەرەكەلىك مەدالىمەن ماراپاتتالدى.
2011 جىلى "ءتىل جاناشىرى" قۇرمەت بەلگىسىنە يە بولدى.
2014 جىلى حالىقارالىق سەرگەي ەسەنين اتىنداعى سىيلىق – "التىن كۇز" وردەنىن يەلەندى.
2014 جىلى "اقپارات ءىسىنىڭ ۇزدىگى" اتاعىنا يە بولدى.
2015 جىلى – "قازاق حاندىعىنا – 550 جىل" مەرەكەلىك مەدالىمەن ماراپاتتالدى.
پىكىر قالدىرۋ