اكتەر، "تاقيالى پەرىشتە" ءفيلمىنىڭ باس كەيىپكەرى، قازاقستاننىڭ مادەنيەت قايراتكەرى ءالىمعازى رايىمبەكوۆ قايتىس بولدى. بۇل تۋرالى الماتى وبلىسى اكىمدىگىنىڭ باسپا ءسوز قىزمەتى حابارلادى.
اكىمدىك مالىمەتىنشە، اكتەر كوروناۆيرۋستان قايتىس بولعان.
ءالىمعازى سۇماعۇل ۇلى 1936 جىلى 1 جەلتوقساندا الماتى وبلىسىندا دۇنيەگە كەلگەن. العاشقى ەڭبەك جولىن اۋىلدا جۇرگىزۋشى بولىپ باستاعان. 1965 جىلى العاشقى "ءان قاناتىندا" ءفيلمىنىڭ سپورتتىق ءىس-شارالارىنا شاقىرتۋ الادى. 1966 جىلى "قيلى كەزەڭ" فيلمىنە تۇسەدى.
1968 جىلى قازاق كينوسىنىڭ التىن قورىنان ويىپ تۇرىپ ورىن العان "تاقيالى پەرىشتە" (رەجيسسەرى شاكەن ايمانوۆ) كينوفيلمىندەگى تايلاقتىڭ ءرولىن سومدايدى. وسى كەزدەن باستاپ جۇرتشىلىققا كەڭىنەن تانىلادى. بۇدان بولەك، "كوگىلدىر تاكسي"، "قان مەن تەر" سەكىلدى وننان اسا كينوفيلمگە تۇسكەن. بىرنەشە مەرەكەلىك مەدال مەن قۇرمەت گراموتالارىن العان. الماتى وبلىسى كوكسۋ اۋدانىنىڭ دا قۇرمەتتى ازاماتى.
پىكىر قالدىرۋ