نۇر-سۇلتان قالاسىندا ەر ادام ايەلىن ءولتىرىپ، ارتىنشا وزىنە قول جۇمساعان، دەپ حابارلادى قالالىق پوليسيا دەپارتامەنتىنىڭ باسپا ءسوز قىزمەتى.
16 قاڭتاردا ەلوردانىڭ تۇرعىن ءۇي كەشەندەرىنىڭ بىرىندە كىسى ءولتىرۋ وقيعاسى بولدى.
پوليسەيلەر پاتەرلەردىڭ بىرىندە ەرلى-زايىپتىلار اراسىندا جانجال بولعانىن، اقىرىندا كۇيەۋى ايەلىن پىشاقتاپ ولتىرگەنىن، سودان كەيىن ايەلدىڭ اپكەسىنە بىرنەشە جاراقات سالعانىن انىقتادى. اپكەسى پاتەردەن شىعىپ، كورشىلەرىنەن كومەك سۇراعان، ولار پوليسيا شاقىرعان. بۇل ۋاقىتتا ەر ادام پاتەردى ىشىنەن جاۋىپ العان.
"كەلگەن پوليسيا قىزمەتكەرى ەسىكتى اشىپ، 46 جاستاعى ايەل مەن ونىڭ جۇبايىنىڭ ءمايىتىن تاپتى، ول ءوزىن پىشاقتاپ تاستاعان. وقيعا ورنىنا كەلگەن جەدەل جاردەم بريگاداسى ەر ادامنىڭ ءولىمىن راستادى" دەلىنگەن پد حابارلاماسىندا.
اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
پىكىر قالدىرۋ