نۇرسۇلتان نازاربايەۆ "ەدينايا روسسيا" بۇكىلرەسەيلىك ساياسي پارتياسىنىڭ ءتوراعاسى، رەسەي فەدەرسياسىنىڭ قاۋىپسىزدىك كەڭەسى ءتوراعاسىنىڭ ورىنباسارى دميتريي مەدۆەديەۆپەن تەلەفون ارقىلى سويلەستى. بۇل تۋرالى elbasy.kz سايتى حابارلادى.
دميتريي مەدۆەديەۆ ەلباسىنى پارلامەنت ءماجىلىسى دەپۋتاتتارىنىڭ كەزەكتى سايلاۋىندا "Nur Otan" پارتياسىنىڭ ايقىن جەڭىسكە جەتۋىمەن قۇتتىقتادى. سونداي-اق ول داۋىس بەرۋ ناتيجەلەرى جالپىۇلتتىق سەنىمدى جانە پارتيانىڭ ەلدى وركەندەتۋگە باعىتتالعان ستراتەگيالىق باعدارىن قولدايتىنىن كورسەتكەنىن اتاپ ءوتتى.
ەلباسى سايتىنىڭ مالىمەتىنشە، نازاربايەۆ مەدۆەديەۆكە جىلى لەبىزدەرى ءۇشىن ريزاشىلىعىن ءبىلدىرىپ، قازاقستان-رەسەي ستراتەگيالىق جانە وداقتاستىق قاتىناستارىنىڭ رۋحى مەن مازمۇنىنا ساي كەلەتىن "Nur Otan" مەن "ەدينايا روسسيا" پارتيالارىنىڭ اراسىنداعى ىنتىماقتاستىق جوعارى دەڭگەيدە ەكەنىنە توقتالعان.
تاراپتار الداعى ۋاقىتتا دا ەكى ەلدىڭ باستى پارتيالارى اراسىنداعى ءوزارا ءىس-قيمىلدى ودان ءارى تەرەڭدەتۋ جانە كەڭەيتۋ جونىندە پىكىر بىلدىرگەن.
پىكىر قالدىرۋ