"اقش-تىڭ مەملەكەتتىك حاتشىسى مايك پومپەو سايقىمازاق، ال ونىڭ شىڭجاڭ-ۇيعىر اۆتونوميالىق اۋدانىنداعى ۇيعىرلاردىڭ گەنوسيدىنە قاتىستى مالىمدەمەسى – عاسىردىڭ وتىرىگى". جۇڭگو سىرتقى ىستەر مينيسترلىگىنىڭ وكىلى حۋا چۋنين 20 قاڭتاردا بەيجىڭدە وتكەن بريفينگتە وسىلاي دەپ ايتتى. بۇل تۋرالى "ريا نوۆوستي" سايتى مالىمدەدى. 

– سوڭعى بىرنەشە جىل ىشىندە پومپەو تىم كوپ وتىرىك اقپارات تاراتتى ... پومپەونىڭ مالىمدەمەسى – كەزەكتى بوس ءسوز. اتىشۋلى امەريكالىق ساياساتكەر ءوزىنىڭ سوڭعى كۇنىندە ەسسىز وتىرىك تاراتىپ، ءوزىن سايقىمازاق رەتىندە كورسەتتى، – دەپ كەلتىرەدى حۋا چۋنين.

مايك پومپەو بۇعان دەيىن قىتايدى سينسزيان-ۇيعىر اۆتونوميالىق ايماعىنداعى جاعدايعا بايلانىستى گەنوسيد جانە ادامزاتقا قارسى قىلمىستار جاسادى دەپ ايىپتاعان. ونىڭ ايتۋىنشا، جۇڭگو ۇكىمەتى "ۇيعىرلاردى جۇيەلى تۇردە جويۋعا تىرىسادى".

New York Times گازەتى اق ءۇي شىعىس اكىمشىلىگىنىڭ جۇڭگو ۇكىمەتى ارەكەتتەرىنە بەرگەن قاتاڭ انىقتاماسى دجو بايدەننىڭ كابينەتى ارقىلى بەيجىڭگە قارسى سانكسيالاردىڭ كەڭەيۋىنە اكەلۋى مۇمكىن دەپ سانايدى.

اقش قىتايدى سانكسيالارمەن قورقىتىپ، ونى "ۇيعىرلار مەن باسقا مۇسىلمان توپتارىن قۋدالادى"، "ادام قۇقىعىن بۇزدى"، سونىڭ ىشىندە "تيبەتتى دە ايىپتادى" جانە "گونكونگتى قورعاۋ جوباسى ونىڭ جوعارى اۆتونومياسىن جويۋعا باعىتتالعان" دەپ مالىمدەدى.

جۇڭگو بيلىگى بارلىق ايىپتاۋلار مەن سىنداردى تەرىستەپ، ەلدىڭ ىشكى ىستەرىنە ارالاسپاۋعا شاقىردى.