جۇڭگو 28 امەريكالىققا، ونىڭ ىشىندە بۇرىنعى مەملەكەتتىك حاتشى مايك پومپەو مەن دونالد ترامپتىڭ ساۋدا جونىندەگى كەڭەسشىسى پيتەر ناۆارروعا سانكسيا ەنگىزدى. بۇل تۋرالى جۇڭگو سىرتقى ىستەر مينيسترلىگىنىڭ مالىمدەمەسىندە ايتىلدى.
"سوڭعى جىلدارى اقش-تىڭ قىتايعا قارسى ءبىرقاتار ساياساتكەرلەرى وزدەرىنىڭ ساياسي مۇددەلەرى مەن قىتايعا دەگەن جەككورۋشىلىك نەگىزىندە جۇڭگو مەن امەريكا حالىقتارىنىڭ مۇددەلەرىن ەلەمەي، قىتايدىڭ ىشكى ىستەرىنە ەلەۋلى ارالاساتىن بولعان جانە قحر مۇددەلەرىنە نۇقسان كەلتىرگەن ءبىرقاتار اقىلسىز ارەكەتتەردى جوسپارلاپ، جۇزەگە اسىردى. جۇڭگو اقش-تىڭ وسىنداي ارەكەتتەرىنە جاۋاپتى 28 ادامعا سانكسيا ەنگىزۋ تۋرالى شەشىم قابىلدادى" دەلىنگەن حابارلامادا.
بۇعان دەيىن مايك پومپەو قىتايدى شىڭجاڭ-ۇيعىر اۆتونوميالىق ايماعىندا "گەنوسيد جانە ادامزاتقا قارسى قىلمىستار" جاسادى دەپ ايىپتاعان. ونىڭ ايتۋىنشا، جۇڭگو ۇكىمەتى "ۇيعىرلاردى جۇيەلى تۇردە جويۋعا تىرىسادى".
جۇڭگو بيلىگى بارلىق ايىپ مەن سىندى تەرىستەپ، ەلدىڭ ىشكى ىسىنە ارالاسپاۋعا شاقىرعان.
پىكىر قالدىرۋ