قازاقستان رەسپۋبليكاسى پارلامەنتى دەپۋتاتتارىنىڭ جالاقىسى بەلگىلى بولدى، دەپ حابارلادى Tengrinews.kz .

"ماتەريالدىق-تەحنيكالىق قامتاماسىز ەتۋ باسقارماسى ق ر زاڭناماسىنا سايكەس قازاقستان رەسپۋبليكاسى پارلامەنتى دەپۋتاتتارىنىڭ جالاقىسى جۇمىس وتىلىنە بايلانىستى 550 مىڭنان 800 مىڭ تەڭگەگە دەيىن تۇرلەنەتىندىگىن حابارلايدى"، - دەلىنگەن رەسمي ساۋالعا بەرىلگەن جاۋاپتا.

ايتا كەتەيىك، 2019 جىلى ق ر پارلامەنتى ءماجىلىسى دەپۋتاتتارىنىڭ جالاقىسى - 684 874 تەڭگە بولعان جانە بۇل سوماعا دەپۋتاتتىڭ ەڭبەك وتىلىنە قاراي ۇستەمە قوسىلاتىن.

سەنات كونستيتۋسيالىق زاڭدا بەلگىلەنگەن تارتىپپەن ءار وبلىستان، رەسپۋبليكالىق ماڭىزى بار قالادان جانە قازاقستان رەسپۋبليكاسىنىڭ استاناسىنان ەكى ادامنان وكىلدىك ەتەتىن دەپۋتاتتاردان قۇرالادى. سەناتتىڭ سايلاناتىن دەپۋتاتتارىنىڭ جارتىسى ءاربىر ءۇش جىلدا قايتا سايلانادى.

ءماجىلىس كونستيتۋسيالىق زاڭدا بەلگىلەنگەن تارتىپپەن سايلاناتىن 107 دەپۋتاتتان تۇرادى. ءماجىلىستىڭ 98 دەپۋتاتى ساياسي پارتيالاردان پارتيالىق تىزىمدەر بويىنشا ءبىرىڭعاي جالپىۇلتتىق سايلاۋ وكرۋگىنەن جالپىعا بىردەي، تەڭ جانە توتە سايلاۋ قۇقىعى نەگىزىندە جاسىرىن داۋىس بەرۋ ارقىلى سايلانادى. ءماجىلىستىڭ 9 دەپۋتاتىن قازاقستان حالقى اسسامبلەياسى سايلايدى.

پارلامەنت دەپۋتاتى بiر مەزگiلدە ەكi پالاتاعا بiردەي مۇشە بولا المايدى.

ەسكە سالايىق، بيىل 10 قاڭتاردا پارلامەنت ءماجىلىسى مەن ءماسليحاتى دەپۋتاتتارىنىڭ سايلاۋى ءوتتى. بيىلعى سايلاۋعا 5 پارتيا قاتىستى: "اۋىل" پارتياسى، Nur Otan پارتياسى، "ادال" پارتياسى، "اق جول" پارتياسى، قازاقستان حالىق پارتياسى. 

بيىلعى پارلامەنت سايلاۋىنىڭ قورىتىندىسى بويىنشا ماجىلىسكە ءۇش پارتيا ءوتتى:

• Nur Otan (71،09 پايىز)
• اق جول (10،95 پايىز)
• قازاقستان حالىق پارتياسى (9،10 پايىز)