يندۋستريا جانە ينفراقۇرىلىمدىق دامۋ مينيسترلىگى وسى جىلدىڭ 21 قاڭتارىندا تۇرعىن ءۇي جاعدايلارىن جاقسارتۋ ءۇشىن ءبىر جولعى زەينەتاقى تولەمدەرىن پايدالانۋ ەرەجەلەرىن بەكىتتى. بۇل تۋرالى مينيسترلىكتىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ەركەبۇلان داۋىلبايەۆ وكق الاڭىندا مالىمدەدى.
ونىڭ ايتۋىنشا ازاماتتار وزدەرىنىڭ زەينەتاقى جيناقتارىنىڭ ءبىر بولىگىن:
- كەپىلدىك بولعان كەزدە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتار بويىنشا تۇرعىن ءۇي ساتىپ الۋ كەزىندە نەمەسە اكت بولعان كەزدە كوپپاتەرلى تۇرعىن ۇيدەگى ۇلەستى بەرۋ تۋرالى شارت جاساسۋ كەزىندە؛
- جەر ۋچاسكەسىن ساتىپ الۋدى قوسا العاندا جەكە تۇرعىن ءۇي سالۋ ءۇشىن تولىق ەسەپ ايىرىسۋ كەزىندە؛
- يپوتەكا الۋ، تۇرعىن ءۇيدى ساتىپ الۋ، بەرەشەكتى وتەۋ، بانكتەر ارقىلى يپوتەكانى قايتا قارجىلاندىرۋ ءۇشىن باستاپقى جارنا رەتىندە؛
- تۇرعىن ءۇي قۇرىلىسى جيناقتارى جۇيەسى بويىنشا جەر ۋچاسكەسىن ساتىپ الا وتىرىپ، تۇرعىن ءۇي ساتىپ الۋعا نەمەسە جەكە تۇرعىن ءۇي سالۋعا ارنالعان يپوتەكا بويىنشا بەرەشەكتى الۋ، قايتا قارجىلاندىرۋدى وتەۋ كەزىندە؛
- يسلام بانكىنىڭ قارجىلاندىرۋى شەڭبەرىندە ءۇي ساتىپ الۋ جانە وسىنداي قارجىلاندىرۋ بويىنشا بەرەشەكتى وتەۋ كەزىندە؛
- تۇرعىن ءۇي قۇرىلىسى جانە داعدارىسقا قارسى باعدارلامالار شەڭبەرىندە ساتىپ الۋ قۇقىعىمەن بەرىلگەن باسپانانى ۇزاق مەرزىمدى جالداۋ شارتتارى بويىنشا بەرەشەكتى وتەۋ ءۇشىن پايدالانۋىنا رۇقسات ەتىلەدى.
سونداي-اق تۇرعىن ءۇيدى جوندەۋ جۇمىستارىنا ءبىر بانكتەن يپوتەكالىق قارىز العان كەزدە پايدالانۋعا جول بەرىلەدى.
پىكىر قالدىرۋ