قازاقستاندىق شاڭعىشى، 2013 جىلعى الەم چەمپيوناتىنىڭ قولا جۇلدەگەرى نيكولاي چەبوتكو 38 جاسىندا قايتىس بولدى، دەپ حابارلادى Olympic.kz سايتى.

سايت مالىمەتىنشە، وليمپيادا ويىندارىنىڭ قاتىسۋشىسى جول اپاتىنان قايتىس بولعان.  اپات 24 قاڭتارعا قاراعان ءتۇنى بۋراباي كەنتىنىڭ (اقمولا وبلىسى) ماڭىندا بولعان.

نيكولاي چەبوتكو 2013 جىلى ۆال-دي-فەممادا الەم چەمپيوناتىنىڭ ءۇشىنشى ساتىسىنا كوتەرىلگەن (كوماندالىق سپرينت). ونىڭ قورجىنىندا ازيا ويىندارىنىڭ ءۇش التىن، ءتورت كۇمىس جانە ەكى قولا مەدالى بار.

"ۇلتتىق وليمپيادا كوميتەتى ەلىمىزدىڭ بارلىق سپورتتىق قوعامداستىعى اتىنان نيكولاي چەبوتكونىڭ تۋىستارى مەن جاقىندارىنا قايعىرىپ كوڭىل ايتادى. ءبىز ونى تالانتتى شاڭعىشى، ناعىز وليمپياداشى، جاقسى ادام رەتىندە ەستە ساقتايمىز!" دەلىنگەن سايت حابارلاماسىندا.