قازاقستاندىق شاڭعىشى، الەم چەمپيوناتىنىڭ قولا جۇلدەگەرى نيكولاي چەبوتكو 38 جاسىندا ومىردەن وزدى دەپ حابارلايدى Olympic.kz. 

"ءتورت بىردەي وليمپيادا ويىندارىنا قاتىسقان سپورتشى 24 قاڭتارعا قاراعان ءتۇنى بۋراباي اۋىلى ماڭىندا (اقمولا وبلىسى) جول اپاتىنان كوز جۇمدى" دەلىنگەن رنسمي سايت تاراتقان حابارلامادا. 

نيكولاي چەبوتكو 1982 جىلى 29 قازاندا كوكشەتاۋ وبلىسىنا قاراستى ششۋچينسك قالاسىندا دۇنيەگە كەلگەن.

شاڭعى سپورتىنان 2013 جىلعى الەم چەمپيوناتىنىڭ قولا جۇلدەگەرى، ءتورت بىردەي وليمپيادا ويىندارىنىڭ قاتىسۋشىسى. 

ۇلكەن سپورتتاعى ەڭ ءىرى  جەتىستىگىنە نيكولاي چەبوتكو 2013 جىلى قول جەتكىزدى. ول سول جىلى ۆال-دە-فەممەدە وتكەن الەم چەمپيوناتىندا كوماندالىق سپرينت بويىنشا ۇزدىك ۇشتىككە ەنگەن.

سونداي-اق، سپورتشى ازيا ويىندارىندا ءۇش التىن، ءتورت كۇمىس جانە ەكى قولا مەدال جەڭىپ العان. 

الەم كۋبوگى كەزەڭدەرىندە 2001 جىلدان باستاپ سىنعا ءتۇستى.

2012 جىلى كۆەبەكتەگى الەم كۋبوگى كەزەڭىندە دەنيس ۆولوتكامەن بىرگە تاريحي التىن جۇلدە يەلەنگەن.

ول بىرنەشە رەت ەل چەمپيوناتىندا كوزگە ءتۇسىپ، ءومىرىنىڭ سوڭىنا دەيىن شاڭعى جارىستارىندا ب ا ق سىنادى.