كاليفورنيا شتاتىنداعى پلەيسەر وكرۋگى شەريفىنىڭ كەڭسەسىندەگىلەر امەريكالىق ازاماتتىڭ كوروناۆيرۋس ۆاكسيناسياسىنان بىرنەشە ساعات وتكەن سوڭ قايتىس بولعانىن مالىمدەدى. بۇل تۋرالى ريا نوۆوستي سايتى حابارلادى.
سايت مالىمەتىنشە، اقش تۇرعىنى 21 قاڭتار كۇنى قايتىس بولعان.
"پلەيسەر وكرۋگى شەريفى كەڭسەسىنىڭ كوروناۆيرۋس بويىنشا دەنساۋلىق ساقتاۋ قىزمەتى جانە بولىمشەسىنە جەلتوقساننىڭ سوڭىندا COVID-19-عا تاپسىرعان تەستى وڭ ناتيجە كورسەتكەن ادامنىڭ ءولىمى تۋرالى حابارلاما ءتۇستى. ول 21 قاڭتاردا قايتىس بولعان. وعان دەيىن بىرنەشە ساعات بۇرىن COVID-19-عا قارسى ۆاكسينا سالىنعان" دەلىنگەن كەڭسەنىڭ Facebook پاراقشاسىندا.
دەپارتامەنت ءولىمنىڭ سەبەپتەرى تۋرالى ايتۋعا ءالى ەرتە ەكەنىن، تەرگەۋ جەرگىلىكتى، فەدەرالدى جانە مەملەكەتتىك دەڭگەيدە جۇرگىزىلىپ جاتقانىن ايتتى. سونداي-اق مارقۇم ۆاكسيناسيانى وكرۋگتىڭ دەنساۋلىق ساقتاۋ دەپارتامەنتىندە الماعان.
پىكىر قالدىرۋ