2021 جىلعى 24 قاڭتاردا الماتى وبلىسى جەمقورلىققا قارسى كۇرەس قىزمەتىنىڭ ماماندارى تالعار اۋدانىنىڭ اكىمى سەرىكجان ەرەكەشيەۆتى پارا الدى دەگەن كۇدىكپەن ۇستاعانى حابارلاندى. بۇل تۋرالى اقپارات yyedilov تەلەگرام-كانالىندا جاريالاندى.
اقپاراتقا ساي، اۋدان اكىمىنەن بولەك ونىڭ ورىنباسارى احمەت ءاشىماحۋن مەن ءتۇرعىنۇي كوممۋنالدىق شارۋاشىلىق ءبولىمىنىڭ جەتەكشىسى اسقار شامايەۆ تە ۇستالعان.
تەلەگرام-كانالداعى كەلەسى اقپاراتتا سەرىكجان ەرەكەشيەۆ 22 قاڭتاردا، ياعني ۇستالعانعا دەيىن 2 كۇن بۇرىن قىزمەتىنەن بوساتىلعانى حابارلاندى. الايدا باسپا ءسوز بەتتەرىندە 22 قاڭتاردا مۇنداي اقپارات تاراماعان.
سەرىكجان ەرەكەشيەۆ تالعار اۋدانىنىڭ اكىمى قىزمەتىن تەك جارتى جىل عانا اتقارعان.
