دۇنيەجۇزىلىك دەنساۋلىق ساقتاۋ ۇيىمىنىڭ (دسۇ) ءبىر توپ عالىمى كوروناۆيرۋستىڭ شىعۋ سەبەبىن انىقتاۋ ءۇشىن ۋحانعا اتتانعان. زەرتتەۋ جۇرگىزۋ بارىسىندا ۋحانداعى ۆيرۋسولوگيا عىلىمي بازاسى جويىلعانى انىقتالدى. "ول زەرتتەۋ جۇمىسىنا كوپ كومەگىن تيگىزەتىن ەدى" دەيدى عالىمدار.
جۇڭگو ماماندارى كوكتەمدە پاندەميا جاريالاعاندا عىلىمي بازادا قانداي جۇمىستار اتقارعانىن عىلىمي بازا ارقىلى بىلۋگە بولاتىن ەدى.
NBC News وسى تۋرالى اقپارات جيناپ، ۆيدەو جاريالادى. وندا اتالمىش بازادا 20 مىڭ جازبا بار بولعانى تۋرالى ايتىلادى. ۋحان زەرتحاناسىنىڭ جوعارى لاۋازىمداعى قىزمەتكەرى جازبالار قاۋىپسىزدىك ءۇشىن قاجەت بولعانىن ايتادى.
دسۇ عالىمدارى جۇڭگو بيلىگى كوروناۆيرۋس ينفەكسياسى تۋرالى شىندىقتى ايتقىسى كەلگەن جۋرناليستەردى، اقپارات جەتكىزۋشى باسقا دا ادامداردى سوتتاعانىنا قاراماستان ءالى ءدوپ باسىپ ەشتەڭە ايتۋعا بولمايتىنىن جەتكىزدى.
دسۇ-نىڭ ساراپشىلار توبىنىڭ ءبىر مۇشەسى پيتەر داساك قىتايلار بۇعان دەيىن جاريالانباعان اقپاراتتى بەرگەنىن ايتادى.
جۇڭگو ۆيرۋسولوگتارى ۆيرۋس قىتايدا ەمەس باسقا ەلدە پايدا بولعانىن ايتادى. ونىڭ ىشىندە قىتايدىڭ اۋرۋدى الدىن الۋ مەن باقىلاۋ ورتالىعىنىڭ باس ەپيدەميولوگى ۋ سزۋنيۋ دا بار.
دسۇ-نىڭ دەنساۋلىق ساقتاۋ سالاسى بويىنشا اتقارۋشى ديرەكتورى مايكل رايان ۆيرۋستىڭ ناقتى قايدا پايدا بولعانىن ايتۋ ەرتە ەكەنىن جەتكىزدى.
پىكىر قالدىرۋ