الماتىدا كارانتين شارالارى كۇشەيتىلدى. بۇل تۋرالى قالانىڭ باس سانيتار دارىگەرى جانداربەك بەكشين حابارلادى.
جاڭا قاۋلىعا سايكەس:
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى، سونداي-اق وتباسىلىق، سالتاناتتى، ەستەلىك ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ)، ونىڭ ىشىندە ۇيدە جانە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنادى؛
- ساۋنالاردىڭ، سپا-ورتالىقتار، باسسەيندەردىڭ كۇندەلىكتى جۇمىسىن ساعات 8.00 دەن 21.00-گە دەيىن شەكتەي وتىرىپ، سەنبى - جەكسەنبى كۇندەرى قىزمەتىنە تىيىم سالىنادى؛
- سوسو مەن ساۋدا ۇيلەرىندە ورنالاسقان قوعامدىق تاماقتانۋ وبەكتىلەرى مەن فۋدكورتتاردىڭ جۇمىسى 7:00-20:00-گە دەيىن شەكتەلەدى؛
- كوروناۆيرۋستىق ينفەكسيانىڭ بارلىق نىساندارىنداعى ناۋقاستار مىندەتتى تۇردە اۋرۋحاناعا جاتقىزىلادى؛
- مادەنيەت وبەكتىلەرىنىڭ، تەاترلاردىڭ، كينوتەاترلاردىڭ جۇمىسى توقتايدى؛
- قوعامدىق تاماقتانۋ وبەكتىلەرىنىڭ قىزمەتى ساعات 9.00-دەن 20.00-گە دەيىن شەكتەلەدى؛
- 15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا بارۋعا رۇقسات بەرىلەدى؛
- ۇجىمدىق ءىس-شارالاردى (ناماز وقۋ جانە قۇلشىلىق ەتۋ) وتكىزبەگەن جاعدايدا ءدىني وبەكتىلەردىڭ قىزمەتىنە رۇقسات ەتىلەدى؛
- مەكتەپكە دەيىنگى مەكەمەلەردىڭ قىزمەتى توقتايدى؛
- جابىق بازارلاردىڭ جۇمىسى ساعات 17:00-گە دەيىن شەكتەلەدى. سەنبى جانە جەكسەنبى كۇندەرى تىيىم قىزمەتى توقتاتىلادى. جەكسەنبى كۇندەرى اشىق بازارلاردىڭ جۇمىسى شەكتەلەدى؛
- جۇمىس كۇندەرى سوسو، ساۋدا ۇيلەرى مەن ساۋدا جەلىلەرىنىڭ قىزمەتى ساعات 10.00-دەن 20.00-گە دەيىن جالعاسادى. سەنبى جانە جەكسەنبى كۇندەرى قىزمەتكە تىيىم سالىنادى.
سونىمەن قاتار، تەحنولوگيالىق پروسەس جۇمىسشىلارى مەن قالانىڭ تىنىس-تىرشىلىگىن قامتاماسىز ەتەتىن مەملەكەتتىك ورگانداردىڭ، ۇيىمدار مەن وبەكتىلەردىڭ، ونەركاسىپتىك، قۇرىلىس جانە وزگە دە ۇيىمداردىڭ قىزمەتكەرلەرىن قوسپاعاندا، ادام سانى 20 جانە ودان كوپ ۇيىمدار جۇمىسشىلارىنىڭ 80%-ىن قاشىقتان جۇمىس رەجيمىنە كوشىرەدى.
قاۋلى 2021 جىلعى 1 اقپاندا ساعات 00.00-دەن باستاپ كۇشىنە ەنەدى.
پىكىر قالدىرۋ