پرەزيدەنت قاسىم-جومارت توقايەۆ جۇرگىزۋشىلەرگە جۇرگىزۋشى كۋالىگى مەن تەحنيكالىق ءتولقۇجاتتى وزىمەن بىرگە الىپ جۇرمەۋگە رۇقسات بەرەتىن زاڭعا قول قويدى، دەپ حابارلادى اقوردا سايتى.
"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى" دەلىنگەن حابارلامادا.
زاڭ جوباسىنا ساي جۇرگىزۋشى كۋالىگىن نەمەسە تەحپاسپورتتى ۇيدە ۇمىتىپ كەتكەن جاعدايدا ەشقانداي ايىپپۇل سالىنبايدى.
ءبىراق بۇل وزگەرىس شەتەلدىكتەرگە قاتىستى ەمەس، كەرىسىنشە ولار جۇرگىزۋشى كۋالىكتەرىن جانە تىركەۋ كۋالىكتەرىن وزدەرىمەن بىرگە الىپ جۇرۋگە مىندەتتى بولادى.
پىكىر قالدىرۋ