دەنساۋلىق – زور بايلىق. دەنساۋلىقتىڭ ءقادىرىن ءبىرى بىلسە، ءبىرى بىلمەس. بۇگىندە جاس ۇرپاقتىڭ اراسىندا دەنساۋلىعىن باعالاماي، قاتەرگە تىگەتىندەر كۇن ساناپ ءوسىپ جاتىر. بۇل – ۇلكەن قاتەلىك. سول ادامدارعا "قاتەلىككە بوي الدىرماي، الدىڭا ماقسات قوي، ارمانىڭا ۇمتىل" دەر ەدىم.
ءححى عاسىردىڭ باستى ىندەتى – ەسىرتكى. ەسىرتكى – ادامدى ەسسىزدىككە اپاراتىن، وزىنە تاۋەلدى ەتەتىن، جۇيكە جۇيەسىنە اسەر ەتەتىن حيميالىق زات. جاستاردىڭ وسى ىندەتكە اۋەستەنۋى قازىرگى كەزدە ۇدەپ بارا جاتىر. وسى ورايدا، ەسىرتكىنى جاستار نە ءۇشىن، نە سەبەپتى قولدانادى ەكەن دەگەن وي تۋىندايدى. مەنىڭشە، جاسوسپىرىمدەر مەن جاستاردىڭ اتا-انانىڭ قاراۋىنسىز قالۋى مەن وزگەلەرگە ەلىكتەۋى سياقتى. سەبەبىن ىزدەي بەرسەڭ، وتە كوپ. سول جەتكىنشەكتەردىڭ بولاشاعى نە بولماق؟! بۇل قۇردىمنان باس كوتەرىپ شىعا الار ما ەكەن؟!
مەنىڭ ويىمشا، بۇل كەسەلگە ۇشىراعان جاسوسپىرىمگە تەك اتا-اناسى جانە ارنايى ەمدەۋ ورتالىقتارى كومەكتەسەدى دەپ ويلايمىن.
ءاربىر جاستىڭ ءومىرى – ءوز قولىندا. ادامدار ومىرگە ماقسات قويا بىلسە، ارمانىنا جەتە الادى. بۇل جولدا اتا-انا ۇنەمى قولداۋ كورسەتىپ، ءىلتيپات ءبىلدىرىپ وتىرسا، نۇر ۇستىنە نۇر بولار دەپ ەسەپتەيمىن.
ەي، قۇرداسىم،سىرلاسىم،
سەن ءومىردىڭ گۇلىسىڭ!
سەن ءومىردىڭ نۇرىسىڭ!
ۇمىتپاعىن، بۇنى، شىن!
اۋەستەنبە، بۇل كەسەلگە، اۋلاق بول!
دارىندى بول، ماقساتتى بول، وزات بول!
ارمانىڭا جەتەلەيدى تەك سەنى،
ءبىلىم عانا، باسقالاردان سەن ساق بول!
داراسىڭ سەن، داناسىڭ سەن، تۇلعاسىڭ،
اتا-اناڭنىڭ شىراعىسىڭ، قۇرداسىم!
ماقساتىڭا، ارمانىڭا ۇمتىلساڭ،
سەنەن ارتىق بولماس، ءسىرا، تۇلعا شىن!
اسكەروۆا البينا،
6-سىنىپ وقۋشىسى
قىزىلوردا وبلىسى،
تورەتام كەنتى،
№80 مەكتەپ-گيمنازياسى
پىكىر قالدىرۋ