قازاقستاندىق بەلگىلى كاسىپكەر جانە "Eurasian Resources Group" كومپانياسىنىڭ ءىرى اكسيونەرى اليدجان يبراگيموۆ 67 جاسىندا قايتىس بولدى. بۇل تۋرالى ERGء-نىڭ باسپا ءسوز قىزمەتى حابارلادى.

وليگارحتىڭ جاقىندارى ونىڭ ۇزاق ۋاقىت بويى كومادا جاتقانىن راستادى. ءولىمنىڭ الدىن الا سەبەبى – كوروناۆيرۋس ينفەكسياسى.

ول 1953 جىلى 5 ماۋسىمدا وزبەكستاندا دۇنيەگە كەلگەن. 1974 جىلى ماسكەۋ ۆەتەرينارلىق اكادەمياسىن "ونەركاسىپتىك تاۋارلار ءوندىرىسى مەن ساۋداسىن ۇيىمداستىرۋ ەكونوميكاسى" ماماندىعى بويىنشا ءتامامدادى.

Forbes.kz حابارلاعانداي، اليدجان يبراگيموۆ قازاقستانداعى ەڭ باي كاسىپكەرلەردىڭ بەستىگىنە كىرەدى. 2020 جىلدىڭ جەلتوقسان ايىندا ونىڭ بايلىعى 900 ملن دوللار دەپ باعالانعان. 

سونىمەن قاتار ول ءبىرقاتار جەڭىل ونەركاسىپ كاسىپورىندارىنىڭ ەكونوميسى جانە باسشىسى بولىپ جۇمىس ىستەگەن. "نيەۆادا-سەمەي" اق باس ديرەكتورى، باسقارما ءتوراعاسى، كەيىن پرەزيدەنتى بولدى.