رەسەيلىك وپپوزيسيونەر الەكسەي ناۆالنىيعا قاتىستى سوت ۇكىمىنە كەلىسپەگەن 700-دەن اسا ادام شەرۋگە شىقتى، دەپ حابارلادى bbc.com سايتى.

2 اقپان كۇنى ماسكەۋ قالالىق سوتى شىعارعان سوت ۇكىمى بويىنششا الەكسەي ناۆالنىي شامامەن 2 جىل 8 ايىن كولونيادا وتكىزەدى. ناۆالنىيدىڭ قورعاۋشىلارى بۇل شەشىمگە شاعىمدانۋدى جوسپارلاپ وتىر.

Bbc.com سايتىنىڭ مالىمەتىنشە، سوت ءوتىپ جاتقاندا ماسكەۋ قالالىق سوتى عيماراتىنىڭ الدىنا  ادامدار جينالا باستاعان. ال كەشكە سوت پروسەسى اياقتالعاننان كەيىن تاعى جۇزدەگەن ادام كوشەگە شىقتى. "وۆد ينفو" مالىمەتتەرى بويىنشا، ءبىر كۇندە 700-دەن استام ادام ۇستالعان.

ستالينگۋلاگ telegram ارناسىنىڭ مالىمەتىنشە، بەيبىت شەرۋگە شىققان حالىققا كۇش كورسەتىلگەن.

– ءقازىر ماسكەۋدىڭ ورتالىعىندا ەركىن ازاماتتاردىڭ ناعىز گەنوسيدى ءجۇرىپ جاتىر. بەيبىت، ەشقانداي قارسىلىق كورسەتپەيتىن ادامداردىڭ قولدارىن كوتەرتىپ، اياۋسىز ۇرىپ جاتىر... بۇل – ءپۋتيننىڭ رەسەي تاريحىنداعى ەڭ ماسقارا كۇنى. ءانۇران، شىڭعىرعان ايقاي، حالىقتىڭ باسىنا تيگەن سوققىلار... – دەپ جازدى ستالينگۋلاگ telegram ارناسى.