قازاقستان مۇسىلماندارى ءدىني باسقارماسى كوروناۆيرۋسقا قارسى ۆاكسينا سالۋعا قاتىستى مالىمدەمە جاسادى. بۇل تۋرالى ءدىني باسقارمانىڭ رەسمي سايتى حابارلادى.
ءدىني باسقارمانىڭ مالىمەتىنشە، شاريعات بويىنشا ەكپە سالۋعا بولادى.
"ارنايى مەديسينا ماماندارى قازىرگى تاڭدا الەمگە ءقاۋىپ توندىرگەن كوروناۆيرۋس ىندەتىنىڭ الدىن الۋ ءۇشىن ۆاكسيناسيالاۋدىڭ ادام دەنساۋلىعىن ساقتاپ قالۋدىڭ ءقاۋىپسىز جانە ءتيىمدى ءادىس ەكەنىن ايتىپ جاتىر.
ال شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ – ءار ازاماتتىڭ ءوز ەركى" دەلىنگەن حابارلامادا.
كەشە ورتالىق كوممۋنيكاسيالار قىزمەتىندەگى باسپا ءسوز ءماسليحاتى بارىسىندا دەنساۋلىق ساقتاۋ ۆيسە-مينيسترى ەرلان قياسوۆقا "كوروناۆيرۋس ۆاكسيناسى "حالال" ما؟" دەگەن ساۋال قويىلعان.
پىكىر قالدىرۋ