اقش-تىڭ رەسەيمەن نەمەسە قىتايمەن يادرولىق سوعىس باستاۋىنىڭ "ناقتى ىقتيمالدىعى بار" دەپ ەسكەرتەدى اقش اسكەري باسشىسى. بۇل تۋرالى The Times باسىلىمى حابارلادى.
اقش-تىڭ جوعارى اسكەري قولباسشىسى چارلز ريچارد يادرولىق سوعىستى بولدىرماۋ ءۇشىن امەريكا قۇراما شتاتتارى جۇڭگو مەن رەسەي اراسىنداعى قايشىلىقتى باسەڭدەتۋ كەرەك ەكەنىن ەسكەرتكەن ساراپتاما جازدى.
اسكەري قولباسشىسى تاعى ءبىر قىرعي قاباق سوعىس ءقاۋپى تۋرالى، ءتىپتى ناقتى يادرولىق قاقتىعىس تۋرالى ەسكەرتتى. رەسەيمەن نەمەسە قىتايمەن يادرولىق سوعىس - بۇل "ناقتى مۇمكىندىك" دەپ ەسكەرتتى ادميرال چارلز ريچارد.
"يادرولىق سوققى بەرۋ قابىلەتى مەن زىمىرانعا قارسى قورعانىسقا جاۋاپتى اقش-تىڭ ستراتەگيالىق قولباسشىلىعىنىڭ باسشىسى الاڭداۋشىلىق تۋدىرعان ەسكەرتۋدى جاريالادى" دەپ حابارلادى The Times.
ساراپتامادا دەرجاۆالاردىڭ جاھاندىق بەيبىتشىلىكتى ساقتاۋ ءۇشىن سىن ساعاتتاردا تۇرعانى ايتىلعان.
ادميرال ءوزىنىڭ تالداۋلارىندا پەنتاگوننىڭ سوڭعى ونجىلدىقتارداعى تەرروريزمگە قارسى ءىس-قيمىلعا باسا نازار اۋدارۋى يادرولىق قاتەردى "ەلەمەۋگە" اكەلىپ سوقتىرعانىن ەسكەرتتى.
گازەتتىڭ اقپاراتىنا سايكەس، اسكەري قولباسشى بىلاي دەپ جازدى: "رەسەيمەن نەمەسە قىتايمەن ايماقتىق داعدارىستىڭ يادرولىق قارۋمەن بايلانىستى قاقتىعىسقا جالعاسۋىنىڭ ناقتى مۇمكىندىگى بار. رەجيمگە نەمەسە مەملەكەتكە ءقاۋىپ تونەتىن بولسا، سوعىستىڭ تۇتانۋى ابدەن مۇمكىن."
پىكىر قالدىرۋ