شالقار مۇقاش ۇلى قوجايەۆ پرەزيدەنت باسپا ءسوز حاتشىسىنىڭ ورىنباسارى بولىپ تاعايىندالدى. بۇل تۋرالى بەرىك ءۋالي facebook پاراقشاسىندا حابارلادى.
"پرەزيدەنت اكىمشىلىگى باسشىسىنىڭ بۇيرىعىمەن شالقار مۇقاش ۇلى قوجايەۆ 2021 جىلعى 10 اقپاننان باستاپ پرەزيدەنت باسپا ءسوز حاتشىسىنىڭ ورىنباسارى بولىپ تاعايىندالدى" دەلىنگەن جازبادا.
شالقار قوجايەۆ ءال-فارابي اتىنداعى قازاق ۇلتتىق ۋنيۆەرسيتەتىن "حالىقارالىق جۋرناليستيكا" ماماندىعى بويىنشا، قازاق يننوۆاسيالىق گۋمانيتارلىق-زاڭ ۋنيۆەرسيتەتىن "ىسكەرلىك اكىمشىلىك" ماماندىعى بويىنشا ءتامامداعان.
اقش-تا زاماناۋي اقپاراتتى تاراتۋ قىزمەتىن جەتىلدىرۋ بويىنشا، ۋكراينادا اقپاراتتىق تەحنولوگيالار بويىنشا بىلىكتىلىگىن ارتتىرعان.
جۋرناليستيكاداعى ەڭبەك جولىن سەمەي قالاسىنداعى جەرگىلىكتى تەلەارنادا جۋرناليست، ديكتور بولىپ باستاعان.
2005-2011 جىلدارى "قازاقستان-سەمەي" ارناسىندا ءتىلشى، جۇرگىزۋشى، "قازاقستان" رترك-نىڭ شىعىس قازاقستان ءوڭىرى بويىنشا مەنشىكتى ءتىلشىسى بولىپ قىزمەت ەتكەن.
2011-2012 جىلدارى "ەۋرازيا" تەلەارناسىنىڭ ءتىلشىسى رەتىندە پرەزيدەنتتىك پۋل قۇرامىندا بولعان.
2012 جىلدان باستاپ "حابار 24" ارناسىنىڭ شىعارۋشى رەداكتورى، پروديۋسەرى، جاڭالىقتار قىزمەتىنىڭ باس رەداكتورى، "حابار" ارناسىنىڭ باس رەداكتورى بولىپ جۇمىس ىستەگەن.
2017 جىلدان باستاپ "حابار 24" ارناسىنىڭ شەف-رەداكتورى.
قازاقستان رەسپۋبليكاسىنىڭ "ەرەن ەڭبەگى ءۇشىن" مەدالىمەن، بىرنەشە مەرەكەلىك مەدالدارمەن، ءتۇرلى دارەجەدەگى العىس حاتتارمەن، "اقپارات سالاسىنىڭ ۇزدىگى" توسبەلگىسىمەن ماراپاتتالعان. "نۇر سۇڭقار" سىيلىعىنىڭ يەگەرى.
پىكىر قالدىرۋ